Pangulong Duterte, nag-alok ng Humanitarian Assistance sa Japan matapos manalasa ang Super Typhoon Hagibis

by Erika Endraca | October 14, 2019 (Monday) | 1161

MANILA, Philippines – Nag-alok ng Humanitarian Assistance si Pangulong Rodrigo Duterte sa Japan matapos manalasa doon ang Super Typhoon Hagibis nitong Sabado.

Ayon sa pahayag ni Presidential Spokesperson at Chief Presidential Legal Counsel Sec. Salvador Panelo, nagbigay ito ng direktiba sa Department of Foreign Affairs (DFA) na makipag-ugnayan sa counterpart nito sa Japan kung ano ang tulong na maaaring maipagkaloob ng Pilipinas.

Nagpaabot din ng pakikisimpatya ang Pangulo sa mga mamamayan at pamahalaan ng Japan dahil sa bilang ng mga nasawi at nawalan ng tirahan bunsod ng kalamidad.

Nakaantabay naman at nakatutok ang Philippine Embassy sa Tokyo sa sitwasyon at nakikipag-ugnayan sa Filipino Community sa mga naapektuhang lugar sa Japan.

(Rosalie Coz | UNTV News)

Share and Enjoy !

0Shares
0 0 0

Tags: ,