Photo Courtesy: BAYAN Secretary General Renato Reyes Jr

Kinausap ni Pangulong Duterte ang myembro ng ilang militanteng grupo pagkatapos ng kanyang unang State of the Nation Address kagabi.

Sa facebook post ni Bagong Alyansang Makabayan o BAYAN Secretary General Renato Reyes Jr. pauwi na sana sila nang lapitan ng ilang police officer at sinabihang sumama sa kanila.

Dinala anila sila sa lounge ng Batasan kung saan naghihintay naman si Pangulong Duterte.

Tumagal ng isang oras at kalahati ang pag-uusap ng mga ito at ng Pangulo.

Kabilang umano sa kanilang pinag-usapan ang peace and order at ang pagnanais ng Pangulo na maglaan ng mas malaking resources sa social services sa oras na matapos na ang armed conflict sa bansa.

Binigyan rin ng assurance ng Pangulo ang mga Lumad na makakauwi ang mga ito ng ligtas.

Ikinatuwa naman ng mga militante ang pakikipag-usap sa kanila ng Pangulo.

(UNTV RADIO)

Tags: militante