METRO MANILA – Aminado si Pangulong Rodrigo Duterte na kinakabahan siya para sa kalagayan ng Milyon-milyong Pilipino na nasa Middle East dahil sa nakaambang panganib bunsod ng tensyon sa pagitan ng US at Iran.
Ayon sa Pangulo, dahil sa dami ng mga Pilipino sa Middle East, napakalaking effort ang kinakailangang gawin ng pamahalaan upang maibalik silang lahat sa Pilipinas sakaling sumiklab ang gulo doon. Lalo na ang mga nasa bansang Saudi Arabia at Israel.
“We have so many Millions, nearing 3 I think, of Filipinos working mainly in the Middle East. Kinakabahan ako. Iran seems to be hell-bent on a retaliation, which I think will come. It’s a matter of time. I do not have anything, nary a worry, were it not for the fact there are a lot of Filipinos there. And it would take us a huge gargantuan effort just in case total breaks out of how to bring them back safely.” ani Pangulong Rodrigo Duterte.
Samantala, inatasan naman ng Punong Ehekutibo si Finance Secretary Carlos Dominguez na maghanap ng pondo para sa mass repatriation.
Hinikayat niya rin ang Kongreso na mag-convene upang pag-usapan ang paglalaan ng pondong kakailanganin sakaling dumating sa puntong isagawa ang mass evacuation ng mga Pinoy.
Ayon sa Pangulo, kailangan itong magawa bago pa man magsimula ang matinding kaguluhan sa Middle East.
Kaya pinahanda na niya ang mga security officials na mai-deploy ang mga aerial at naval assets na susundo sa mga kababayan natin.
“I am afraid of the so many lives of our countrymen in jeopardy at he middle east since here you are I was tinkering of the idea of calling special session of congress I suggest that congress even for about bahala kayo one or two days discuss the problems but I don’t know where you want to put the money, that we can use the money immediately” ani Pangulong Rodrigo Duterte.
(Rosalie Coz | UNTV News)
Tags: Middle East, OFW
METRO MANILA – Muling nanawagan si Pangulong Ferdinand Marcos Junior sa mga Pilipino na suportahan ang Micro-Small and Medium-Sized Enterprises (MSMEs).
Sa kaniyang latest vlog, ibinida ni PBBM ang lutuing Pinoy na ngayon ay aniya ay kinikilala na sa iba’t ibang panig ng mundo.
Dahil dito ay maaaring magdulot ito ng mas maraming turista sa bansa.
Kaya naman bukod sa pagsuporta sa mga maliliit na negosyo, hinikayat ni PBBM ang mga Overseas Filipino Worker (OFW) na ipatikim ang mga putaheng Pinoy sa mga dayuhan.
METRO MANILA – Muling nagpaalala ang Commission on Election (COMELEC) sa mga Pilipinong nasa ibayong dagat na magparehistro bilang botante para sa darating na 2025 midterm election.
Maaaring magparehistro ang ating mga kababayan na nagtatrabaho o permanenteng naninirahan sa labas ng bansa.
Maaari rin na magparehistro ang mga pinoy na nasa ibang bansa sa araw ng national election.
Kinakailangan lamang dalhin ng aplikante ang kanilang valid Philippine passport sa pinakamalapit na Philippine embassy o konsulado ng bansa, o kaya naman ay sa registration centers sa Pilipinas.
Tags: COMELEC, OFW, voter registration
METRO MANILA – Uunahing bigyan ng driver’s license cards ang Overseas Filipino Workers (OFWs) na magtatrabaho bilang driver sa ibang bansa.
Sa Laging Handa Public Briefing, sinabi ni Land Transportation Office (LTO) Officer-In-Charge Asec. Hector Villacorta na may natitira pang 53,000 mga license card batay sa pinakahuling inventory.
Posible umanong hindi tanggapin ang papel na lisensya ng ibang bansa gaya sa Saudi.
Sa ngayon ay nakatutok ang LTO sa kung paano mapapabilis ang bidding at delivery ng mga bagong license card at plaka ng mga motorsiklo kasama ang pribadong sector.
Tags: Driver's License, LTO, OFW
