Patuyang sinagot ni Pangulong Rodrigo Duterte ang lumutang na isyu na kaya siya pupunta sa Israel ay dahil sasailalim siya sa isang medical procedure.

Noong Biyernes, sa isang tweet, sinabi ni Magdalo Representative Gary Alejano na ayon sa kaniyang nasagap ng impormasyon, patungkol sa kalusugan ng Pangulo ang dahilan ng pagtungo nito sa Israel.

Ang tugon naman ng punong ehekutibo, kasama niya sa biyahe ang mga opisyal ng militar at pulisya.

Iginiit din nitong personal niyang aalamin ang kalagayan ng mga overseas Filipino worker (OFW) na posibleng nasa panganib dahil sa mga kaguluhan sa Israel at gayundin sa Jordan.

( Rosalie Coz / UNTV Correspondent )

Tags: israel, OFW, Pangulong Duterte