Pangulong Duterte, wala pang napipiling papalit kay Bong Go bilang Special Assistant to the President

by Radyo La Verdad | October 17, 2018 (Wednesday) | 4172

(File photo from PCOO FB Page)

Pinabulaanan ni Presidential Spokesperson at Chief Presidential Legal Counsel Salvador Panelo ang mga ulat na si Davao City lawyer Charmalou Aldevera ang kapalit ni Christopher Bong Go bilang Special Assistant to the President.

Automatically resigned na sa pwesto si Go matapos magsumite ng kaniyang kandidatura bilang senador sa 2019 midterm elections.

Ayon kay Panelo, wala pang napipili si Pangulong Duterte na papalit sa nabakanteng pwesto ni Go. Wala pa rin aniyang papalit sa mga nabakante at mababakanteng posisyon ng iba pang cabinet members ni Pangulong Duterte na naghain at maghahain ng kanilang candidacy.

Kahapon, nagsumite na kaniyang candidacy sa pagka-gobernador sa Bohol si dating Cabinet Secretary Jun Evasco.

Matatandaang ilan pang cabinet members ang tatakbo sa eleksyon tulad nina Foreign Affairs Secretary Alan Peter Cayetano, Political Adviser Francis Tolentino, Agrarian Reform Secretary John Castriciones at TESDA Director General Guiling Mamondiong.

 

( Rosalie Coz / UNTV Correspondent )

 

Share and Enjoy !

0Shares
0 0 0

Tags: , ,