Makatutulong umano sa pagabot ng rice self-sufficiency sa bansa kung mababawasan ang konsumo ng kanin ng mga pilipino.
Ayon kay Ako Bicol party list representative Rodel Batocade, dapat ay bumuo ng technical working group o kumite na mag-aaral dito. Kailangan din aniya ang tulong ng DepEd upang maituro sa mga bata ang masamang epekto ng sobrang pagkain ng kanin.
Ayon naman kay dating DA Secretary William Dar, hindi madali na baguhin ang kultura o gawi ng mga pilipino sa pagkain ng kanin.
Ayon sa nakaraang administrasyon, naabot nila ang 96% ng kasapatan ng bigas sa bansa. Ang kakulangan nito ay inaangkat na mula sa mga bansang gaya ng Thailand at Vietnam.
Base naman sa datos ng National Food Authority, nasa 109.87 kilograms na lamang ang konsumo sa bigas ng mga pilipino ngayon kumpara sa 114.27 kilograms noong 2016.
Ilan sa mga atlertatibo ng mga pinoy ay ang pagkain ng tinapay, kamote at saging.
(Rey Pelayo / UNTV Correspondent)
METRO MANILA – Tiniyak ng National Food Authority (NFA) na sapat ang supply na bigas para sa La Niña.
Sa ulat ng NFA, triple ang dami ng rice buffer stock sa pamamagitan ng bagong pricing scheme.
Ayon kay NFA Administrator Larry Lacson, nasa 2.8-M sako ng palay ang nasa bodega ng NFA at na nasa mataas na buying price range na P17 – P23 kada kilo ng sariwa o basang palay at mula P23 – P30 naman ang kada kilo ng malinis at tuyong palay.
Dagdag pa ni Lacson, sapat naman aniya ang stock na bigas mula sa 126,000 metric tons ng milled rice at patuloy pa itong nadaragdaga upang masiguro ang 300,000 metric tons na rice buffer stock na target ng ahensya para sa nagbabantang La Niña phenomenon.
Nakikipagugnayan naman ang NFA sa Department of Agriculture (DA), gayon din sa PhilMech, pribadong sektor at mga non-profit organization para makakuha ng mga drying facility para sa wet harvest season.
METRO MANILA – Nagsimula ng bumili ng palay sa local farmers sa bagong nitong ‘buying price’ ang National Food Authority (NFA).
Ayon kay NFA Administrator Roderico Bioco, ang bagong presyo ng dry palay na binibili ng NFA sa ngayon ay nasa P23.00 kada kilo habang sa wet palay naman ay P19.00 kada kilo.
Dagdag ng opisyal, magiging agresibo na ang ahensya sa pagbili ng palay sa buong bansa matapos itakda ang bagong equivalent net weight factor table na siyang tumutugma sa council para sa pricing scheme batay sa purity, moisture content , damaged at discolored parameters nito.
Ang dating presyo ng dry palay ay nasa P19.00 lang kada kilo at sa wet palay naman, nasa P16.00 kada kilo ang pinakamataas na presyo.
Mayroong 267 NFA buying stations na sa kasalukuyan ang agresibong nang bumibili ng palay sa local farmers sa buong bansa.
Tags: NFA
METRO MANILA – Tiniyak ni Pangulong Ferdinand Marcos Jr. na may sapat na supply ng bigas sa bansa.
Pahayag ito ng pangulo matapos makipag pulong sa mga opisyal ng Department of Agriculture (DA) at National Food Authority (NFA) sa Malacañang kahapon (April 13).
Sa isang panayam sinabi ng pangulo na hindi nagkukulang ang bigas sa bansa pero ang pinag-aaralan nila ngayon ay kung papaano makokontrol ang presyo nito.
Bukod dito ayon sa pangulo, ang nakikita nilang problema ngayon ay kakulangan ng buffer stock kaya plano nilang mag-import ng bigas para maparami ang buffer stock sa NFA.
“Yun lang ang nakita naming problema, mababa ‘yung buffer stock ng NFA. Kailangan bumili ‘yung NFA para umabot siya ng at least nine days na buffer stock. Ang problema, kapag sila ay pumasok sa merkado, pag sila’y namili na para i-replace ‘yung buffer stock na kulang nila ay tataas naman ang presyo ng bigas dahil marami silang bibilin… kaya’t ‘yun ang hinahanapan namin ng paraan para i-adjust.” ani Pres. Ferdinand “Bongbong” Marcos Jr.
