Patuloy pa rin ang isinasagawang evacuation ng mga emergency crew sa mga residenteng naistranded dahil sa baha na idinulot ng pananalasa ng severe weather system sa Texas.
Sa kasalukuyan ay nasa mahigit isang libong residente na ang nailikas mula sa kanilang mga tahanan na lubog sa baha.
Samantala sa ibang lugar sa estado na humupa na ang baha at nagsasagawa na ng clearing operation ang mga residente at mga otoridad.
Nakaalerto na ngayon ang mga otoridad dito sa Paris dahil sa patuloy na pagtaas ng tubig sa River Siene.
Dahil sa patuloy na pag-ulan kaya nanganganib na umabot pa sa anim na metro ang taas ng tubig kapag umapaw na ang ilog.
Sa ngayon ay suspindido na ang byahe sa ilog ng mga speedboats at iba pang water vessels gayundin ang operasyon ng tren na karaniwang naghahatid ng mga turista patungong Eiffel Tower at Musée d’Orsay.
Ayon sa forecast, aabot sa 5.7 hanggang 6 meters ang itataas ng tubig baha hanggang Sabado kung hindi titigil ang pag-apaw ng ilog.
Sa ngayon ay sarado na ang unang palapag ng Louvre Museum at inilikas na sa mas ligtas na lugar ang mga artifacts at art pieces na naroroon.
Ang huling pag-apaw ng River Siene ay noong 2016 kung saan umabot sa 6 meters ang taaas ng tubig.
Pero ang pinakamalalim na baha na naidulot nito ay nangyari noong 1910 kung saan umabot ng 8.6 meters.
( Jhun Garin / UNTV Correspondent )
Tags: matinding pagbaha, Paris, Siene River
Umakyat na sa 100 ang nasawi sa nararanasang matinding pagbaha sa Central at Southern China dahil sa matinding buhos ng ulan.
Mahigit isang milyong mga residente na rin ang inilikas mula sa labing-isang apektadong probinsya.
Sa probinsya ng Anhui, dalawampu’t walong mga ilog na ang nasa warning level.
Mahigit isandaang byahe ng tren naman sa Hunan province ang napilitang tumigil o mag-detour dahil sa nararanasang pagbaha.
Ayon sa Chinese Ministry of Civil Affairs, tinatayang nasa 1.3 million hectares na katumbas ng 3 billion US dollars ang nasira sa kalamidad.
(UNTV RADIO)
Tags: China, matinding pagbaha
Posibleng matagalan pa ang recovery efforts ng mga otoridad sa mga residenteng naapektuhan ng matinding pagbaha sa West Virginia.
Ayon kay West Virginia Governor Earl Ray Tomblin, libo-libong bahay ang nawasak ng baha at kinakailangan nito ng overhaul.
Marami ring mga residente ang pansamantalang walang trabaho dahil sa nasira rin ang kanilang mga shop.
Inaasahan na makakatanggap ng federal assistance ang mga lugar na matinding napinsala ng baha.
Umabot na sa 25 ang bilang ng nasawi sa itinuturing historic flood na nangyari sa estado.
