PDEA, aalamin kung sangkot sa iligal na droga ang mga magpopondo sa mga kandidato ngayong darating na halalan

by Radyo La Verdad | December 13, 2018 (Thursday) | 4694

Para matiyak na hindi magagamit sa pangangampanya sa parating na halalan ang pera mula sa illegal drug trade, nagpahayag ngayon ng kahandaan ang Philippine Drug Enforcement Agency (PDEA) na imbestigahan ang mga negosyanteng susuporta sa mga kandidato.

Ayon sa PDEA, karaniwang sangkot sa paggamit ng pera mula sa kurapsyon at iligal na droga ang mga kandidato sa pagkabise-alkade pataas, ngunit may mga barangay officials din na sangkot dito.

Ayon kay PDEA Director General Aaron Aquino, sampung narco politicians na kabilang sa narcolist ang nadakip at napatay sa kanilang mga operasyon.

Pero patuloy ding biniberipika ng PDEA ang kanilang listahan ng mga sangkot sa iligal na droga.

Katunayan, limang alkalde at isang bise-alkalde ang tatanggalin na sa narcolist dahil hindi naman gaano kabigat ang kanilang mga paglabag.

Ngunit paliwanag ni Aquino, posible pa ring maibalik sa listahan ang mga ito oras na makatanggap na sila ng ulat ng pagkakasangkot ng mga ito sa iligal na droga.

Matatandaang ipinanukala ng PDEA ang surprise drug test sa lahat ng kandidato sa midterm election.

Una na ring nanawagan ang ahensiya na huwag iboto ang mga kandidatong sangkot sa iligal na droga.

 

( Cathy Maglalang / UNTV Correspondent )

Tags: , ,




Death penalty, makakatulong sa pagresolba sa drug problem – PDEA

by Radyo La Verdad | March 25, 2019 (Monday) | 1382

METRO MANILA, Philippines – Naniniwala si Philippine Drug Enforcement Agency Director General Aaron Aquino na hindi matatapos ang drug problem sa bansa kung hindi palalakasin ang batas laban dito.

Ang naturang pahayag ay ginawa ni Aquino kasunod ng pagkakasabat noong Biyernes ng panibagong shabu shipment sa Manila International Container Port na tinatayang nagkakahalaga ng mahigit 1.8 billion pesos.

Ayon kay Aquino, hindi umano natatakot ang mga drug trafficker na magpasok ng droga sa bansa dahil walang mabigat na parusa para dito.

 “When we interrogate chemists or arrest Chinese chemist or any involved in the illegal drug trade, the first thing that they will tell me is that there is no death penalty in the Philippines. And that’s the main reason that they will continue to smuggle drugs.” ani PDEA Director General Aquino.

Madali rin aniya na makatakas ang mga ito sa kabila ng pagkakaroon ng kaso dahil sa mahinang justice system sa bansa.

 “And secondly, they can buy anybody. They can buy judges, they can buy prosecutors, they can buy event law enforcers for that matter. And they can go back in their own country safely.” dagdag pa ni Aquino.

Natuklasan ang mga naturang droga sa loob ng isang 40-foot container na idineklarang naglalaman ng plastic resin.

Ngunit nang buksan ay tumambad ang dalawang daan at pitumpu’t anim na kilong shabu na naka-repack na ng tig-iisang kilo at nakalagay sa balot sa Chinese tea.

Galing sa bansang China ang shipment na nakapangalan sa Wealth Lotus Empire Corporation at dumating sa bansa noong March 17.

Nalaman ng PDEA ang shipment ng shabu mula sa counterpart ng PDEA sa Vietnam.

Bunsod ng sunod-sunod na pagkakasabat ng mga malalaking shipment ng droga, umaasa ang PDEA na muling maipatupad ang death penalty sa bansa upang makatulong sa pagreresolba ng problema sa iligal na droga kasabay ng War on Drugs campaign ng administrasyong Duterte.

“That’s actually the stand of PDEA in the restoration of the death penalty particularly on drug trafficking, drug smuggling and drug manufacturing.” ayon pa kay PDEA Director General Aquino.

Naniniwala rin ang PDEA na ang Golden Triangle Drug Syndicate ang nasa likod ng naturang shipment na siya rin pinanggalingan ng 1.1 billion pesos na halaga ng shabu na nasabat sa Ayala, Alabang noong nakaraang Martes.

(Asher Cadapan, Jr. | UNTV News)

Tags: , , ,




PDEA: Huwag iboto ang mga kandidato na sangkot sa iligal na droga

by Jeck Deocampo | February 14, 2019 (Thursday) | 5710
PDEA Director Aaron Aquino
File photo: PDEA website

METRO MANILA, Philippines – Naniniwala si Philippine Drug Enforcement Agency Director Aaron Aquino na kilala ng mga botante sa kani-kanilang mga lugar ang mga narcopolitician o mga pulitiko na sangkot at protektor ng iligal na droga sa bansa

Bunsod nito hinihikayat niya ang mga botante sa darating na halalan na huwag ihalal ang mga ito

“Mamili sila nang maayos dahil sila rin ang magiging biktima, mga anak nila. Sila rin ang magdudusa na hindi mabibigyan ng tamang ayos ‘yung kanilang mga barangay at komunidad kung magkakaroon sila ng isang politician na involved sa illegal drugs,” aniya

Ginawa ni Director Aquino ang pahayag nang magtungo ito sa Calapan City, Oriental Mindoro upang pasinayaan ang bagong gusali ng PDEA sa Mimaropa Region.

Ayon kay Aquino, patuloy na nadaragdagan ang bilang ng mga narcopolitician sa bansa na binubuo ng mga opisyal ng barangay at mga alkalde.

Sa Mimaropa Region, tanging ang probinsiya lamang ng Marinduque ang wala aniyang kabilang sa narcolist.

“Ang narcolist ngayon na nasa amin ay over six thousand ang total. It started about three thousand. It doubled pagdating ng 2018. In short, dumadami ng dumadami.”

Apela naman ng PDEA sa publiko sa darating na halalan, maging matalino sa iluluklok sa pwesto

Hirit ni Aquino, “Dapat maging vigilant tayo. Alam na alam naman natin siguro kung sino ang mga politicians na involved sa illegal drugs. So, bakit pa natin sila ihahalal na mayor o kung anong posisyon pa sa ating bayan?”

(Sherwin Culobong | UNTV News)

Tags: , , , ,




Mga batang edad 6, 9, 14, isinasangkot sa iligal na droga- Pang. Duterte

by Jeck Deocampo | January 23, 2019 (Wednesday) | 11888
File: PCOO

QUEZON PROVINCE, Philippines – Muling nagbabala si Pangulong Rodrigo Duterte sa mga sindikato ng iligal na droga sa bansa na hindi titigil ang kampanya ng pamahalaan laban sa ipinagbabawal na gamot.

Aniya, bilang lider ay mandato niyang protektahan ang taumbayan at ang bansa mula sa ikasisira nito partikular na ang suliranin sa droga.

Dagdag ng Pangulo, mas bata ang ginagamit ngayon ng mga kriminal upang magmantena sa operasyon ng iligal na droga. Ginawa ng Punong Ehekutibo ang pahayag sa annual assembly ng mga local leader sa Lucena City, Quezon kahapon.

“’Pag sinira mo ang bayan ko, talagang magwawala ako. Kaya ‘yung nangyari noong five days ago. Ang nagme-maintain ngayon ng shabu ang mga bata. Kung may parokyanong makita niya at naghahanap, dadalhin nila doon, pahithitin nila, sila na ang kukubra. Pati ang mga bata shoot na rin sila. As young as six, eight, nine, 14. Kita mong ginagawa ng mga u****?”

Nabanggit ng Pangulo ang usapin isang araw matapos ipasa sa committee level ng Mababang Kapulungan ng Kongreso ang panukalang nagbababa sa siyam na taong gulang ng minimum age of criminal responsibility.

Wala pang malinaw na posisyon si Pangulong Duterte hinggil sa isyu subalit ayon sa Malacañang, ipinauubaya na nito sa mga mambabatas ang usapin hinggil sa edad na dapat nang pananagutin sa batas ang isang gumagawa ng krimen..

“Again, the President will not interfere because that’s the lawmakers’ job. We will not question that. Bahala sila. Basta gusto ni Presidente, ayaw niya iyong 15, definitely,” ani Presidential Spokesperson Secretary Salvador Panelo.

(Rosalie Coz | UNTV News)

Tags: , , , , , ,




More News