Target ng Philippine Consulate sa Hawaii na mapataas pa ang turnout ng Overseas Absentee Voting sa estado sa darating na eleksyon
Sa tala ng United States Census, mahigit one hundred thousand na ang mga pilipinong naninirahan sa hawaii, ngunit nasa walong libo lamang ang mga kababayan natin ang nagparehistro upang makaboto
Sa panayam ng UNTV News Team kay Consul Roberto Bernardo, sinabi nito na sa kasaysayan ng Overseas Absentee Voting sa Hawaii halos isang libong lamang sa mga kababayan natin ang naitatala nilang bumuboto
Kaya naman sa darating na eleksyon sa Mayo, target ng Philippine Consulate na maabot ang 100% ng voters turnout
Upang matupad ito, nakipagkaisa ang Commission on Elections at Philippine Consulate sa UNTV upang maging media partner at makatulong sa information dissemination para sa Overseas Absentee Voting
Sa ngayon sinisumulan na ng UNTV Hawaii na makipag-ugnayan sa mga filipino community patungkol sa darating na halalan.
