Philippine Identification System (PhilSys), minamadali nang maipatupad ng PSA

by Erika Endraca | May 19, 2020 (Tuesday) | 3129

METRO MANILA – Nahirapan ang pamahalaan sa pamamahagi ng pinansyal na ayuda sa ilalim ng Social Amelioration Program (SAP)  mga pinakaapektadong pamilya ng Coronavirus pandemic sa bansa.

Matatandaang isa sa mga marching order ni Pangulong Rodrigo Duterte, bilisan ang pagpapatupad ng National Identification System.

Kabilang sa nakasaad sa ikawalong ulat ng Punong Ehekutibo sa joint congressional oversight committee kaugnay ng bayanihan to heal as one law—ang mabilisang maipatupad ang Philippine Identification System (PhilSys).

Target ng Philippine Statistics Authority na mairehistro ang nasa  5-M low income households sa December 2020.

Sa  October 2020 binabalak ng psa na simulan ang registration process sa 46 na registration centers at 1, 170 mobile registration centers sa buong bansa.

Makikipag-ugnayan din ito sa land bank of the Philippines upang magamit ang nasa 126 branches nito bilang registration centers ng PhilSys.

August 2018 nang pirmahan ni Pangulong Duterte ang Philsys Act.

(Rosalie Coz | UNTV NEWS)

Tags: