Walumpu’t walong Pilipino ang nahatulan ng kamatayan dahil sa iba’t- ibang kaso na nasa ibang bansa, ayon sa huling tala ng Department of Foreign Affairs.
34 sa mga ito ay nasa Malaysia, 28 sa Saudi Arabia, 21 sa China, 2 sa America, at tig-iisa sa Indonesia, Kuwait at Thailand.
Kabilang na rito ang kaso ni isang Overseas Filipino Worker na sangkot sa pagpatay sa kanyang amo dito sa United Arab Emirates.
Hinatulan ng kamatayan si Jennifer Dalquez, 28 years old, tubong General Santos City noong nakaraang May 20 dahil sa pagpatay sa amo na nagtangkang halayin siya noong Disyembre 7, 2014
Ayon sa pamilya ni Jennifer, noon pang 2011 nagsimula itong magtrabaho bilang maid at nakatakda na sana itong umuwi noong Enero 2015.
Ang kaso ni Jennifer ay malaki ay kahalintulad sa kaso ni Sarah Balabagan na napatay din ang kanyang amo sa UAE noong July 1994
Ngunit napababa ang sintensya sa kanya at nakauwi ng Pilipinas noong 1996 matapos umapela ang dating Pangulo ng UAE sa pamilya ng napatay na amo
Ito ngayon ang ninanais ng embahada ng Pilipinas sa UAE para sa kaso ni Jennifer
Ayon sa embahada patuloy ang kanilang pakikipag-ugnayan sa gobyerno ng UAE upang mapababa ang sintensya kay Jennifer
Umaasa ang embahada na magkakaroon ng magandang resulta ang ginawang pagapela sa kaso.
Tags: Department of Foreign Affairs, Jennifer Dalquez, Sarah Balabagan
Wala sa mga Pilipino ang nadamay sa tensyon na nangyari sa ilang lugar sa Russia partikular sa Rostov-on-Don na sinakop ng Russian paramilitary wagner group.
Ayon kay Department of Foreign Affairs Undersecretary for Migrant Workers Affairs Undersecretary Eduardo de Vega, patuloy ang kumonikasyon ng embahada ng Pilipinas sa sampung Pilipino na kasalukuyang nakatira sa Rostovondon.
“ ’yung Rostov, yung kinukuha ng wagner group konti lang yung Pilipino doon labing-isa o sampu lang kaya lahat nakikipagugnayan ‘yan sa embahada na safe sila,” ani Usec. Eduardo de Vega, DFA.
Noong Sabado, June 24, napaulat na sinakop ng wagner group ang Rostovoondon na isa sa pinakamalaking lungsod sa southern Russia.
Ito ay kasunod ng umano’y pang-aatake ng Russian military sa mga tauhan ng private mercenary wagner group na pinamumunuan ni Yevgeny Prigozhin.
Agad naghain ang National Anti-terrorism Committee ng Russia ng kasong kriminal laban kay Prigozhin dahil sa mga paratang at pag-uudyok nito sa armadong rebelyon.
Ngunit kamakailan lang, nagkasundo ang dalawang paksyon na hindi na itutuloy ng Russian government ang pagsasampa ng reklamong pagtataksil laban kay Prigozhin, at magtungo na lamang sa Belarus dahilan ng paghupa ng tensyon.
Sa panayam ng UNTV news sa ilang Pilipinong nakatira sa Moscow Russia na naghigpit din ng kanilang seguridad, nasa maayos naman ang kanilang sitwasyon doon.
Pero kahit pa man, humupa na ang tensyon sa lugar, ayon kay usec. De Vega hindi pa rin titigil ang pamahalaan sa pagmu-monitor sa sitwasyon sa lugar at kalagayan ng Overseas Filipino Workers doon.
pinapayuhan ng DFA at ng embahada ng Pilipinas ang mga pilipino sa russia na maging mapag-matyag at umantabay pa rin sa mga abisong ilalabas ng Philippine embassy.
Pinaiiwas rin ang mga ito sa matataong lugar gayundin sa pakikilahok sa mga demonstrasyon at huwag mag-post ng anomang political comments sa social media na hindi kumpirmado. Maging sa pagbiyahe sa ibang rehiyon kung hindi naman kinakailangan.
Sa tala ng Department of Foreign Affairs, nasa sampung libong mga Pinoy ang naroroon ngayon sa Russia at siyamna libo nito ay nakatira sa moscow.
Janice Ingente/UNTV News
Tags: Department of Foreign Affairs, DFA, Russia
Metro Manila, Philippines – Nagbabala ang Department of Foreign Affairs (DFA) sa publiko sa mga nag aalok ng trabaho sa ibang bansa gamit ang social media gaya ng facebook, viber o whatsapp.
Iyon ay matapos ang mga kaso ng human trafficking na namonitor ng dfa partikular ng Philippine Embassy sa Baghdad.
Noong nakaraang taon, Labing Pitong kaso ng human trafficking ang naitala ng embahada ng Pilipinas sa Baghdad Iraq. Noong April 3 pinawalan ang isang Filipino na nakulong ng Tatlong buwan sa Basra Prison.
Sampung individual pa na nabiktima rin ng kaparehong modus ang nasa kustodiya ng embahada sa Baghdad simula noong Enero ngayong taon.
Ayon sa embahada, gamit ng mga sindikato ang social media, hihingan ng advance payment ang mga biktima para sa travel sa dubai kung saan may naghihintay umano sa kanila na trabaho na may malaking sweldo.
Pagdating sa Dubai mapipilitang magtrabaho ng walang bayad ang mga biktima na gamit ang tourist visa dahil bahagi umano ito ng kanilang training.
Kapag nag expired na ang kanilang tourist visa, dito na pipiliing singilin ng sindikato ang mga biktima ng 3 thousand US Dollars na ginamit umano sa kanilang deployment o kung hindi ay kailangan nilang magtabaho sa Iraq.
Paalala ng DFA maari namang tingnan ang mga iniaalok na trabaho sa abroad sa Philippine Overseas Employment Organization (POEA).
METRO MANILA, Philippines – Itinuturing na national security threat ng Philippine National Police (PNP) ang pagnanakaw umano ng datos sa Department of Foreign Affairs (DFA) ng dating contractor na humahawak sa passport system ng Kagawaran.
Ani PNP Police Director General Oscar Albayalde, “not only threat on national security but also threat of our identities na napakarami na Pilipino na kumuha ng passport na nandoon lahat ang information.”
Ayon pa kay Albayalde, handang tumulong ang pambansang pulisya sa isasagawang imbestigasyon sa insidente ngunit hindi pa nakikipag-ugnayan sa kanila ang DFA.
Samantala, ang grupong Migrante ay nababahala sa naturang balita dahil nalalagay sa peligro ang kalagayan ng mga passport holders and applicants lalo na ang overseas Filipino workers. Anila ang mga nakuhang pribadong impormasyon ng mga OFW ay maaring magamit sa identity theft o iba pang iligal na aktibidad.
Magsasagawa naman ng fact finding investigation ang National Privacy Commission (NPC) hinggil sa insidente. Ipatatawag ng NPC ang mga opisyal ng DFA para magpaliwanag sa isyu.
Tiniyak ng ahensya na papanagutin ang mga responsable sa umano’y data breach sa passport system. Maaring makulong ng anim na taon at pagmultahin ng limang milyong piso ang lalabag sa Data Privacy Act of 2012.
Tags: Department of Foreign Affairs, passport, passport breach, Philippine National Police, philippine passport, threat
