Pinadaling pagpoproseso ng papeles ng mga OFW, sisimulan na sa Oktubre

by Radyo La Verdad | August 9, 2016 (Tuesday) | 1837

AIKO_OFW
Nasa 15,000 hanggang 17,000 passsport applicants ang pumipila at nagpoproseso ng kanilang papeles sa mga DFA Passport Centers sa bansa sa loob ng isang araw.

Araw- araw ay may tinatayang 200-300 passport applicants ang nagtutungo dito sa DFA Consular Office Ortigas at karamihan sa mga ito ay Overseas Filipino Workers na umuuwi lang sa bansa upang mag-renew ng kanilang Philippine passport.

Maituturing na one stop shop ang DFA Consular Office sa Ortigas dahil katabi nito mismo ang mga booth ng SSS, Philhealth Express at PAG-IBIG.

Sa ngayon ay hinihintay na lang ng DFA na matapos hanggang sa katapusan ng Setyembre ang mga naka-schedule na Non-OFW Passport Application sa naturang tanggapan.

Sa Oktubre ay opisyal na itong gagawin na passport center para lamang sa mga kababayan nating OFW.

(Aiko Miguel / UNTV Correspondent)

Tags: , ,