Pinsala ng bagyo at habagat sa Cavite, umabot na sa mahigit P30M

by Radyo La Verdad | July 25, 2018 (Wednesday) | 5287

Bagaman humupa na ang baha sa malaking bahagi ng Cavite, nanatiling lubog pa rin ang ilang bahagi ng Naic at Ternate.

Ito ay matapos ang mga pag-ulang dulot ng Bagyong Josie at pinalakas na habagat noong weekend.

Kabilang sa mga nakaranas ng matinding baha ay ang Bacoor City, Imus City, Ternate, Noveleta, Naic at Tanza.

Sa ngayon, unti-unti nang nakababangon ang lalawigan.

Ayon kay Governor Jesus Crispin Remulla, aabot sa tatlumpung milyong piso ang pinsala ng bagyo at maaring tumaas pa ito habang patuloy ang ginagawang assesment ng lokal na pamahalaan.

Malaking tulong naman ang maagang pag-abiso at pagpapalikas sa mga nasa flood prone areas kayat walang naitalang casualty sa lalawigan.

Sa ngayon ay balik na sa normal ang klase sa mga paaralan. Magsasagawa naman ng make-up classes para makahabol sa naiwang aralin ang mga estudyante.

 

( Bernard Dadis / UNTV Correspondent )

Tags: , ,

13 hanggang 16 na bagyo, posibleng pumasok sa bansa ngayong 2024 – PAGASA

by Radyo La Verdad | May 17, 2024 (Friday) | 27749

METRO MANILA – Inihayag ng State Weather Bureau PAGASA na nasa transition period na ang bansa sa tag-ulan o rainy season.

Dahil dito, inaasahan na sa darating na mga araw na mas magiging madalas na ang mga pag-ulan sa iba’t ibang bahagi ng bansa.

Ayon kay Climate Monitoring and Prediction Section Chief ng PAGASA na si Ana Liza Solis,  posibleng sa 3rd quarter ng taon papasok ang La Niña kasabay ng kasagsagan ng hanging habagat o southwest monsoon.

Kaya posibleng mararanasan ang malalakas na mga pag-ulan hanggang Disyembre.

Tags: ,

Higit 22-K, apektado sa pananalasa ng bagyong Neneng

by Radyo La Verdad | October 17, 2022 (Monday) | 9948

METRO MANILA – Umaabot sa 86 barangay sa 3 rehiyon ang naapektuhan ng bagyong Neneng.

Sa datos ng National Disaster Risk Reduction and Management Council (NDRRMC), 6,260 pamilya o 22,700 indibidwal ang naapektuhan ng bagyo.

Base pa sa NDRRMC, 30 mga evacuation center ang pansamantalang tinutuluyan ng 926 na residenteng naapektuhan ng bagyo.

3,702 indibidwal naman ang isinailalim sa pre-emptive evacuation mula sa Region 2.

Samantala sa isang tweet tiniyak ni Pangulong Ferdinand Bongbong Marcos Junior na maibibigay ang pangunahing pangangailangan ng mga apektadong residente, kabilang na ang pagkain, maiinom na tubig at elektrisidad.

Tags: , ,

Pinsala ng bagyong Karding sa agrikultura, umabot na sa P141M

by Radyo La Verdad | September 27, 2022 (Tuesday) | 14120

METRO MANILA – Batay sa datos ng Department of Agriculture (DA) nasa P141-M na ang halaga ng pinsalang iniwan ng bagyong Karding sa agrikultura sa bansa.

Nasa 740 na mga magsasaka ang naapektuhan at 16,299 ektarya ng agricultural areas.

Kasama sa mga nasira ng bagyo ang palay, mais at gulay mula sa Cordillera Administrative Region (CAR), Ilocos Region, Central Luzon, at Calabarzon.

Sa Nueva Ecija dumapa ang mga palay na malapit na sanang anihin. Top producer ang Nueva Ecija pagdating sa produksyon ng palay sa bansa.

Ayon naman sa DA, may nakahanda naman silang binhi at iba pang ayuda para sa mga naapektuhan ng bagyo.

Tags: , ,

More News