Sa update ng NDRRMC, nasa mahigit anim na bilyong pisong halaga na ng agrikultura at imprastraktura ang nasira ng pananalasa ng bagyong Lando sa bansa.
Pinakamalaking pinsala ay naitala sa mga palayan na umaabot sa mahigit limang bilyong piso,88.3 million pesos naman sa maisan , at nasa five hundred twenty eight thousand pesos namansa mga high value crop.
Milyong-milyong pisong halagang rin ng mga palaisdaan at livestock ang napinsala dahil sa mga pagbaha at malalakas nitong mga nakalipas na araw.
Habang nasa mahigit limang daang milyong pisong halaga sa imprastraktura ang nasira dahil sa bagyo.
Nanatiling namang wala pa ring suplay ng kuryente ang mga lalawigan ng Quirino, Nueva Vizcaya, Aurora, Kalinga at Mt.Province.
Sa ngayon ay naibalik na sa normal na komunikasyon sa mga lugar na sinalanta ng bagyo.
Ngunit may ilang lugar pa rin ang nahihirapang mahatiran ng tulong dahil hindi pa rin madaanan ang nasa 140 mga kalsada at 28 tulay nanapinsalang kalamidad.
Samantala, nadagdagan pa ang bilang ng mga nasawi na umaabot na sa 26 habang nasa 18 na ang naitalang sugatan.
Natagpuan na rin ang una napabalita na nawawala na sinasabing natangay ng malakas na agos ng tubig sa isang ilog sa Abra, ngunit ngayon ay kabilang na ito na sa mga kumpirmadong nasawi.
Patuloy namang tumataas ang bilang ng mga naapektuhan pamilya na umaabot na ngayon sa halos dalawang daang libo.
Ngunit may ilang evacuee na ang pinayagan ng umuwi sa kani-kanilang bahay partikular na sa Cavite, Laguna, Quezon at Rizal. ( Joan Nano / UNTV News)
Tags: Aurora, Kalinga, Mt.Province, Nueva Vizcaya, Quirino
Inirekomenda na ng Office of the Defense Cordillera ang pagpapatigil sa national level search and retrieval operation sa mga nawawalang indibidwal sa nangyaring landslide sa Sitio Hakrang, Barangay Habawel, Natonin, Mt. Province. Opisyal nang nai-turnover kaninang umaga sa local government unit ang retrieval operations.
Kanina ay nagpulong ang miyembro ng Cordillera Disaster Risk Reduction Management Council (CDRRMC), kabilang ang Natonin Police, Bureau of Fire Protection, Philippine Army, ilang rescue groups at iba pa.
Ayon kay Mayor Mateo Chiyawan ng Natonin, aabot sa higit tatlong daan tao ang maiiwan sa search and retrieval operation na mula sa mga bayan ng Mayoyao, Aguinaldo at Besao Rescue Groups dahil kabilang ang kanilang kababayan sa mga hindi pa nakikita.
Sa tala ng Office of the Civil Defense Cordillera, 17 ang narekober na katawan habang labing isa naman ang nananatiling nawawala.
Ayon kay Mayor Chiyawan, mula noong Martes ay wala na silang narekober na katawan sa ground zero.
Sinabi pa nito, mabibigyan din ng tig dalawampung libong pisong tulong pinansyal ang kaanak ng labing isang biktima na hindi pa nakikita.
Sa tala ng Natonin MDRRMO, higit isang daang landslide ang naitala sa bayan ng Natonin, kabilang na dito ang mga pagguho sa mga bara-barangay sa kanilang lugar.
( Grace Doctolero / UNTV Correspondent )
Labing dalawang indibidwal pa ang patuloy na hinahanap ng mga responders na kasama sa na-trap sa loob ng gusali ng Department of Public Works and Highways (DPWH) na natabunan ng gumuhong lupa sa pananalasa ng Bagyong Rosita noong nakaraang linggo.
Ayon kay Natonin Mayor Mateo Chiyawan, nakakuha ng karagdagang dalawang bangkay ang search and retrieval team noong Linggo. Sinabi din ni Chiyawan na naiuwi na rin ang labing-apat na bangkay na narekober sa ground zero sa kani-kanilang bayan o lalawigan.
Batay naman sa isinagawang assessment kahapon ng Office of the Civil Defense Cordillera, kasama ang local government unit (LGU) ng Natonin, Philippine National Police (PNP), Bureau of Fire Department, Philippine Army at ilang rescue groups, hanggang sa Biyernes na lang maghuhukay ang rescue teams sa lugar upang i-retrieve ang mga nawawala pa.
Samantala, dalawa pang bangkay na naretrieve noong Biyernes ang nananatiling unidentified at nasa Funeral Carbonell Alfonso Lista, Ifugao.
Sa ngayon ay patuloy ang pagdating ng ilang rescue groups mula sa iba’t-ibang rehiyon upang tumulong sa mas mabilis na search and retrieval operation sa ground zero.
( Grace Doctolero / UNTV Correspondent )
Tags: landslide, Mt.Province, search and retrieval
Hindi pa nakakarating sa ground zero ang mga heavy equipment ng DPWH at private companies para sana gamitin at mapabilis ang search and rescue operation sa Sitio Hakrang, Barangay Habawel Natonin, Mt. Province o ground zero.
Hanggang ngayon, mano-mano pa rin ang ginagawang paghuhukay ng rescuers sa mga biktima ng landslide dahil pagpunta pa lang sa ground zero ay pahirapan na limang kilometro ang kinailangang lakarin.
Aabot sa labing lima ang landslide na daraanan, ang iba dito ay hanggang bewang ang lalim ng lupa. Kailangan pang dumaan sa gilid ng bangin.
Kahapon ay nagdeklara na si Mayor Mateo Chiyawan na i-shift search and retrieval ang operasyon sa ground zero.
Aniya, dahil nagdikit-dikit na ang mga palapag ng gusali ng DPWH at tila wala nang air pocket o puwang upang pumasok ang hangin para makahinga pa ang mga pinangangambahang naipit sa ilalim.
Bunsod nito ay mababa na ang tyansa na may makukuha pang buhay sa mismong ground zero.
Sa kwento ng mga survivor sa incident commander, malakas talaga ang agos ng landslide.
Kaya posible na inanod na ang iba sa ibaba ng creek isang kilometro ang layo mula sa ground zero. Bandang alas kuwatro ng hapon kahapon ay may tatlo silang nakuha unidentified na bangkay.
Sa ngayon, labing siyam pa ang hinahanap.
Ayon kay Mayor Chiyawan, nangangamba sila na kulangin ang pagkain para sa mga rescuers.
Problema rin ang gasolina dahil walang gasoline station sa Natonin at pakonti-konti ng galon ang naiaakyat kaya kahit pa raw may equipment ay hindi pa rin daw nila ito mapapagana.
( Grace Doctolero / UNTV Correspondent )
Tags: bangkay, landslide, Mt.Province
