Plano para sa rehabilitasyon ng Manila Bay, binabalangkas na

by Radyo La Verdad | December 13, 2018 (Thursday) | 7299

Hindi pa rin nawawalan ng pag-asa ang Department of Environment and Natural Resources (DENR) kung ang pag-uusapan ay ang paglilinis sa Manila Bay.

Ayon kay DENR Secretary Roy Cimatu, inatasan nito ang Manila Bay Coordinating Council para bumalangkas ng plano sa rehabilitasyon ng baybayin.

Aminado ang kalihim na hindi ito madaling maisakatuparan dahil na rin sa dami ng mga establisyimentong nakatayo sa palibot nito mula sa Metro Manila at mga karatig lalawigan gaya ng Bulacan at Cavite.

Ayon sa opisyal, nasa 300 libong pamilya na nakatira malapit sa Manila Bay ang dapat mai-relocate.

Sa Barangay Tangos sa Navotas, isa ang bahay ni Mang Joan sa nabigyan na ng notice para lumipat sa relocation site. Hinahampas ng alon ang bahay nito lalo na kung may sama ng panahon. Kapansin-pansin ang mga nagkalat na basura sa baybayin subalit ipinapadpad lamang aniya ito sa kanila.

Tila hindi naman alintana ng mga naliligo sa dagat ang panganib sa kalusugan na maaaring maidulot sa kanila ng maruming tubig.

Ayon sa DENR, dapat ay nasa 100 lamang ang coliform level ng tubig dito sa Manila Bay para mapaliguan ng mga tao.

Subalit noong 2016 batay sa pag-aaral, umabot ito sa mahigit 155m. Ito’y lubhang mapanganib ayon sa DENR sa kalusugan ng mga maliligo dito.

Umaasa ang DENR na sa pagtatapos ng 2019 ay may malaking pagbabago na sa kalidad ng tubig sa Manila Bay. Bukod sa kagawaran, may 15 pang ahensya ng gobyerno na magtutulong-tulong para maisagawa ang rehabilitasyon.

Ayon kay Cimatu, ipapasara nito ang mga istrukturang mapapatunayang lumabag sa mga batas kalikasan gaya ng pagtatapon ng hindi malinis na waste water na direkta sa dagat.

 

( Rey Pelayo / UNTV Correspondent )

Tags: , ,

3 hawksbill sea turtles na nakumpiska sa mga illegal pet owners, pinakawalan na sa Boracay

by Radyo La Verdad | May 3, 2019 (Friday) | 2312
Photo from DENR Western Visayas

Boracay Island, Philippines – Matagumpay na naibalik sa dagat ang 3 hawksbill sea turtles noong Lunes, May 1 , 2019 matapos makumpiska ang mga ito sa mga illegal owers sa Puka Beach, Yapak, Boracay Island. Itinaon ito sa pagdiriwang ng Sustainability Week sa Boracay at Month of the Ocean 2019.

Pinangunahan ang selebrasyon nina Biodiversity Management Bureau (BMB) Director Crisanta Marlene P. Rodriguez, DENR 6 Regional Executive Director Francisco “Toto” E. Milla, Jr. kasama sina Ms. Antoinette Taus and Miss Scuba Philippines 2018 Noelle Fuentes Uy-Tuazon.

Ang 2 pawikan ay nakumpiska sa mga illegal pet owners noong August 2016 at ang isa naman ay noong March 2018. Agad naman itong tinurn over sa Boracay Oceanarium at Crown Regency Resort & Convention Center na aktibong nangangalaga  sa mga endangered marine wildlife sa buong bansa.

Ang nasabing Ocean Month ngayon ay may temang “Free the Sea from Marine Debris.” Layunin ng selebrasyon na maipaunawa sa publiko kung paano nakakarating at nakakaapekto sa mga buhay ng lamang dagat ang mga plastic na basura ng tao.

Tags: ,

Ilang establisyimento na responsable sa pagdumi ng Manila Bay, posibleng ipasara ng DENR sa susunod na Linggo

by Radyo La Verdad | April 9, 2019 (Tuesday) | 1182

Metro, Manila Philippines – Balak ipasara ng Department of Environment and Natural Resources (DENR) sa susunod na linggo ang mga establisyimentong nakitaan ng paglabag at responsable sa pagdumi ng Manila bay.

Nadiskubre ang isang kahina-hinalang bagay sa pampang habang naghuhukay ang isang excavator operator, kaya’t isang bomba ang nadala ng kaniyang equipment

“Noong pagdakot po namin, pag-angat po ng bucket nakita ko po iyong parang ano ng bote.  Nung nakita ko ang nilapitan ko iyong tanso. Paghipo ko medyo gumalaw, sabi ko oy bomba ‘to ah. Binuhusan namin ng tubig iyon talagang bomba na tumawag kami ng bomb squad” tinig ni Excavator operator Rodolfo escalera

Itinurnover naman kaagad sa explosives ordinance division ng Manila police district ang naturang bomba.

“This is a vintage bomb. For what i heard world war 2 bomb pa ito. And no worries, first ang atin pong manila police district ay inaksyunan naman kaagad ng explosives ordinance division nila na talagang safely nadala naman sa manila police district” pahayag ni DENR Benny Antiporda.

Sa gitna ng patuloy na rehabilitasyon ng DENR, binabalak na rin nitong ipasara ang ilang establisyimiyentong nakitaan ng paglabag at nagiging sanhi ng patuloy na pagdumi ng Manila bay..

“Well mayroon kaming mga nakitang mga hotels, restaurants, basically karamihan restaurants talaga iyong clean water act. Iyon ang unang unang violation nila wherein iyong inilalabas nila from their establishment” ani DENR Benny Antiporda .

Samantala, isang swimmable area o lugar na ma-aari nang languyan na bahagi ng Manila bay ang natukoy na rin ng ahensya sa Mariveles, Bataan

Tinatayang nasa 100 to 200 most probable number (MPN) na lamang ang coliform level sa naturang lugar na angkop nang paliguan batay sa report na kanilang natanggap.

Matatandaan niyo na nasabi natin dito sa denr na within 6 months to 1 year eh meron tayong magiging swimmable area ” ayon kay DENR Benny Antiporda

Paalala ng denr bagaman posible nang malanguyan ang bahaging iyon sa bataan hindi pa rin ligtas na lumangoy sa Manila bay sa may bahagi ng Roxas Boulevard.

Enero ngayong taon nang umpisahan ang mabusising paglilinis sa pampang at pagbabawal sa mga bumubisita na maligo doon.

Habang patuloy pa rin ang pagsasagawa ng dredging and desilting operations at paglilinis sa mga esterong pumapaligid sa ilalim ng Manila bay rehabilitation.

(Mai Bermudez | Untv News)

Tags: ,

Mga tauhan ng MMDA, nakakakuha pa rin ng basura Manila Bay

by Radyo La Verdad | February 15, 2019 (Friday) | 9276

FILE PHOTO: Manila Bay sunset (Rogelio Neccessito Jr. / Photoville International)

MANILA, Philippines – Nakakakuha pa rin ng basura araw-araw ang mga tauhan ng MMDA sa Manila Bay.

Ayon kay Leonora Yadan, isa sa naatasan na maglinis sa Manila Bay, mga styrofoam, plastic at plastic bottles ang karamihan sa kanilang mga nakukuha. Sa kabila nito, mas kakaunti na lamang daw umano ang kanilang nakukuha kumpara sa noo’y truck-truck na basura na kanilang nakokolekta.

“Sa ngayon, naka-6 na plastic na po kami ngayong umaga, ngayong pag-akyat pa lang po namin naka-6 na plastic na kami.” aniya.

Samantala, ayon sa Laguna Lake Development Authority, patuloy pa rin ang kanilang ginagawang paglilinis hanggang sa maaari nang pagpaliguan o paglanguyan ang Manila Bay. Kasama nila umano ang Department of Environment and Natural Resources sa gawaing ito.

Sa kuha ng underwater drone ng UNTV, sari-saring dumi at basura ang nakita sa ilalim ng Manila Bay.

“I-ensure lang na hindi na mabubulabog ‘yung nasa ilalim kasi hindi natin alam kung may mga heavy metals na maaaring makapag-degrade lalo ng water quality ng Manila bay” pahayag ni Engr. Emiterio Hernandez, Deparment Manager ng LLDA.

Matatandaang ang LLDA ay isa rin sa naatasang mag-inspekayon sa mga establisyimento sa Pasay City at Maynila kung ito ba ay nakasusunod sa environmental laws.

“Kung mamo-monitor natin lahat ‘yan siguro mga 8,000 to 10,000 establishment ‘yung ini-expect natin , siguro pinakasafe natin na masabi mga 1/3 na yun ay may paglabag.” ayon pa rin kay Engr. Hernandez.

Ilan sa mga titingnan ng LLDA kung may sariling sewage treatment plant ang mga establisiyemento o direkta itong nagtatapon ng basura sa Manila Bay. Kung mapatutunayang may pag-labag, posibleng ipasara ang isang negosyo o anumang establishment.

(Nel Maribojoc | UNTV News)

Tags: , , ,

More News