Isinusulong na ng Senate Committee On Accounts ang pagpapalipat ng Senado sa Bonifacio Global City sa Taguig sa lalong madaling panahon.

Ayon kay Committee Chairman Senator Panfilo Lacson, napapanahon na para magkaroon ng permanenteng lugar ang Senado dahil malaki na aniya ang nagagastos nito sa pagrerenta sa GSIS building sa Pasay City.

Nakahanda na aniya ang isang bilyong pisong pondo mula sa continued appropriation ng General Appropriations Act na maaari nang gamitin upang ipambili ng lote.

Isasailalim na sa Technical Working Group ng komite ang usapin upang makagawa ng committee report na ihahain sa plenaryo ng Senado sa lalong madaling panahon.

(Joyce Balancio / UNTV Correspondent)

Tags: isinusulong na mapasimulan na, Planong paglipat ng Senado sa permanenteng gusali sa Taguig