Ikinatuwa ng mga operatiba ng Anti Illegal Drugs Group at Criminal Investigation and Detection Group ang sinabi ni incoming Philippine National Police Chief Ronald dela Rosa na sasama ito sa malalaking anti drug operation.
Ayon kay CIDG National Capital Region Chief Ronald Lee nakakataas ito sa morale ng mga operatiba at mas gaganahang magtrabaho ang mga ito kung makakasama ang pinuno ng pambansang pulisya.
Maging ang director ng AIDG na si PSSupt. Manolo Ozaeta ay sinabing wala namang problema kung sasama sa ground upang mag operate si Gen. Dela Rosa, dahil sya naman ang may kontrol sa pamamahala sa buong organisasyon administratively at operationally.
Tiwala rin ng mga opisyal ng PNP na gamay ng kanilang susunod na pinuno ang mga taktika sa operasyon kaya’t malakas ang loob nitong sumugod laban sa mga kriminal at sindikato ng droga.
(Lea Ylagan/UNTV NEWS)
Tags: anti-drug operation, CIDG National Capital Region Chief Ronald Lee
