Tumaas ang morale ng mga tauhan ng Philippine National Police at Armed Forces of the Philippines dahil sa suportang ibinibigay ni Pangulong Rodrigo Duterte sa kanila.

Ayon kay PNP Chief General Ronald dela Rosa, inspiradong magtrabaho ang mga pulis dahil alam ng mga itong nasa likod nila ang pangulo.

Maging ang AFP ay nagpasalamat sa lahat ng suporta ng pangulo, mula sa dagdag sweldo at ilang mga kagamitan na bahagi ng AFP modernization program.

Aniya, may positibong epekto sa trabaho ng mga sundalo ang suporta ng punong ehekutibo.

Pangako ng dalawang ahensya ng gobyerno, buo ang suporta nila sa pangulo at gagawin nila ng maayos ang kanilang mga trabaho para sa kaligtasan ng sambayanan laban sa mga nais na manggulo.

(Lea Ylagan / UNTV Correspondent)

Tags: AFP, Chief Dela Rosa, duterte