PNP Chief PDG. Marquez, inoobliga ang lahat ng PNP personnel na sumama sa absentee voting

by Radyo La Verdad | February 12, 2016 (Friday) | 1343

Binisita ni PNP Chief Director General Ricardo Marquez ang Laguna Provincial Police sa Sta.Cruz kaninang umaga.

Layunin ng heneral na siyasatin ang kaniyang mga opisyal tungkol sa paghahanda ng mga ito sa nalalapit na eleksyon.

Partikular na ang ukol sa political rivalry, mga armadong grupo at maging ang vote buying.

Inoobliga rin ng hepe ng pambansang pulisya na lumahok sa absentee voting ang lahat ng PNP personnel na magsisimula sa April 27,28 at 29.

Bukod sa PNP kwalipikado ring mag applay sa absentee voting ang AFP, mga guro at mga kawani ng media.

Tatagal hanggang March 07 ang pagpapasa ng aplikasyon para sa absentee voting.

(Sherwin Culubong / UNTV Correspondent)