Bubuo na rin ng transition team ang Philippine National Police kaugnay ng napipintong pagpapalit ng pinuno ng pambansang pulisya kasabay ngpagpasok ng bagong administrasyon.

Layon ng naturang transition team na pamumunuan ni Chief Directorial Staff PDDG Francisco Uyami na maisalin at maibilin ng maayos ang mga maiiwang proyekto ng PNP.

Kabilang na rito ang mga ongoing at pending project na nabigyan na ng budget tulad ng pagpapatayo ng mga police station sa iba’t ibang munisipalidad sa bansa at procurement ng mga gamit.

Kasama rin sa ite-turn over sa bagong pamunuan ng PNP ang strategy on crime prevention, focused police operations, investigation at community relation na maaari pang i-enhance, i-revise at i-improved kung nais ng susunod na magiging chief pnp at mga miyembro ng command group.

Nangako naman si PNP Chief Ronald dela Rosa na itutuloy lang niya ang ilang nasimulang programa ng pnp tulad na lang ng oplan lambat sibat.

Subalit aniyay, idadagdag nya ang “oplan tukhang” na naging epektibo sa Davao kung saan kinakatok ang bahay ng pinaghihinalaang drug personalities, pinakikiusapan na huminto na o umalis na lamang sa lugar.

(Lea Ylagan/UNTV NEWS)

Tags: Chief Directorial Staff PDDG Francisco Uyami, PNP Command Group