PNP, inilagay na sa full alert status kaugnay ng ASEAN Summit ngayong linggo

by Radyo La Verdad | April 24, 2017 (Monday) | 2745


Inilagay ngayon ni PNP Chief Director General Ronald “Bato” Dela Rosa sa full alert status ang buong pulisya para sa gaganaping Association of South East Asian Nations o ASEAN Summit sa April 26 hanggang 29.

Ayon sa Chief PNP kailangang maging handa ang pambansang pulisya lalo’t itinuturing na isang historic national event ang ASEAN Summit.

Kahapon isinagawa ang send-off ceremony para sa apatnaput libong security personnel mula sa iba’t-ibang ahensya ng pamahalaan.

Ang mga ito ay itinalaga bilang close-in VIP security para sa mga delegado, magmomonitor sa route security at airport at magbabantay sa tutuluyan ng delegado at pagdadausan ng mga pagpupulong.

Tags: , ,