Walang nakakalap na verified information ang intelligence group ng Philippine National Police hinggil sa umano’y assasination plot kay Presidential Candidate Rodrigo Duterte.

Ayon kay PNP PIO Chief PCSupt. Wilben Mayor, lalong walang katotohanan ang balita na PNP sympathizer ang magbibigay ng armas o may partisipasyon ang PNP para i-asassinate si Duterte.

Sinabi ni mayor na ang pagbibigay ng proteksiyon sa lahat ng kandidato ang trabaho ng pulisya at hindi ang pumatay.

Dagdag PIO Mayor na kung talagang may banta sa buhay ni Mayor Duterte, handa naman ang PNP na bigyan ito ng police escort kung kanyang nanaisin.

Naki-usap rin ang heneral na huwag ng magkalat pa ng mga walang basehang impormasyon na naghahatid lamang ng takot sa publiko.

Ayon kay Mayor nanatiling apolitical o walang pulitikong pinapanigan ang pambansang pulisya.

(Lea Ylagan / UNTV Correspondent)

Tags: assasination plot, Presidential Candidate Rodrigo Duterte