Police official, kritikal matapos barilin kagabi sa Quezon City

by Radyo La Verdad | November 9, 2018 (Friday) | 3651

Pasado alas syete kagabi ng tambangan ng hindi pa nakikilalang suspek si PSupt. Edgardo Cariaso ng Planning and Research Division ng Internal Affairs Service.

Sa kuha sa CCTV footage ng barangay, kabababa lamang ni Col. Cariaso sa kanyang sasakyan ng bigla siyang lapitan ng lone gunman at pagbabarilin. Kritikal ngayon sa pagamutan si Cariaso.

Ayon kay PNP Chief PDG Oscar Albayalde, sangkot sa kalakalan ng iligal na droga si Cariaso at dating nakatalaga sa Drug Enforcement Unit ng Northern Police District.

Ngunit ayon sa hepe ni Cariaso sa IAS na si Atty. Alfegar Triambulo, hindi natatanggap sa IAS ang mga pulis na may masamang record at wala naman sa narco list ng Pangulo si Cariaso.

Ngunit iimbestigahan pa rin aniya nila ang sinasabi ng chief ng PNP na sangkot ito sa iligal na droga.

Dagdag ni Triambulo, tatlong linggo bago ito tambangan, sinabi sa kanya ni Cariaso na may natatanggap siyang pagbabanta sa kaniyang buhay.

Pinayuhan pa aniya nyang umuwi ito lagi ng maaga dahil sa mga natatanggap na death threat.

Si Cariaso, ang isa sa katulong ni Atty. Triambulo sa pag-iimbestiga sa mga inirereklamong pulis at maging sa imbestigasyon sa mahigit sa 600 pulis na napatanggal nila sa serbisyo dahil sa iba’t-ibang kaso.

 

( Lea Ylagan / UNTV Correspondent )

Tags: , ,




Chinese national na nambastos sa isang pulis sa MRT, nais ipa-deport

by Radyo La Verdad | February 11, 2019 (Monday) | 2348
PHOTO: PNP Madaluyong

Ipapa-deport ni NCRPO Director Guillermo Eleazar ang Chinese national na nanaboy ng taho sa pulis na nakabantay sa Metro Rail Transit (MRT)-Boni Station noong Sabado. Ito ay bukod pa sa kasong isinampa sa babae na direct assault and disobedience to person in authority

Base sa report ng Philippine National Police (PNP), pinagbawalan ni PO1 William Cristobal si Jaile Zhang na ipasok sa istasyon ng tren ang taho, dahil sa ipinatutupad na polisiya ng MRT management, at paghihigpit sa seguridad matapos ang nangyaring bombing incident sa Jolo, Sulu.

Dahil sa insidente, inaresto si Zhang at dinala sa Mandaluyong Police Station.

“It was my fault, I just got angry,” pag-amin ni Zhang.

“We can recommend for her to consider as undesirable alien so that the Bureau of Immigration will process this, maging basehan ‘yan kung i-deport ‘yan,” paliwanag ni Eleazar.

Samantala, kanina binigyang parangal ng PNP si PO1 Cristobal, kasabay ng isinagawang flag raising ceremony sa Camp Crame.

Ayon kay PNP Chief Oscar Albayalde, kahanga-hanga ang ginawang pagtitimpi ni PO1 Cristobal, sa kabila ng pambabastos ng Chinese national sa kanyang uniporme.

“’Yung kanyang asal kasi is worthy of emulation, ito yung hina-highlight natin na one good deed, one commendable act ‘yung ginawa nya, hindi naman dahil ‘yan ay foreign national kahit ‘yan ay Pilipino… Ipinakita nya ang kanyang tyaga at pasensya na kailangan ng ating mga kapulisan talaga,” ani Albayade.

Hindi naman umano inasahan ni PO1 Cristobal ang naturang parangal, at sinabing ginawa niya lamang kung anong gustong mangyari ng kanilang Chief, na habaan pa ang pasensya at gumawa ng tama para sa bayan.

Nanawagan naman si Albayalde sa lahat ng mga dayuhan na igalang ang mga batas at panuntunan sa Pilipinas.

Muli rin itong nagpaalala na ipinagbabawal pa rin ang pagpasok ng liquid items sa MRT.

“Kahit nga sasakay ka ng eroplano bawal ‘yung bottled water e, bakit ‘yun sumusunod tayo, bakit dito ‘di tayo makasunod, whether tayo ay Pilipino or foreigner ay dapat po tayong sumunod dahil ‘yan ang batas na ipinatutupad,” paalala ni Albayalde.

(Lea Ylagan | UNTV News)

Tags: , , , , ,




Panagbenga Festival sa Baguio, pinaghahandaan na ng PNP

by Jeck Deocampo | February 1, 2019 (Friday) | 4614

BAGUIO, Philippines – Tiniyak ng Philippine National Police (PNP) ng Baguio City na magiging ligtas na maidaraos ang grand opening ng Panagbenga Festival sa darating na Pebrero.Nagsimula na maghanda ang PNP sa Baguio para sa pagdasa ng mga turista na maksasaya sa kada taon na Panagbenga Festival.

Ayon kay PSSUPT. Eliseo Tanding, City Director ng Baguio, “Ang PNP po ay place on heightened alert tayo. May utos po ang Camp Crame and then it’s up po sa discretion ng RD’s, PD’s, CD’s kung ano po talaga ‘yung nangyayari on the grounds halimbawa in Baguio City po alam po natin lahat na very peaceful tayo dito.”

“So generally, ang Baguio City Police o Regional Cordillera Police ay ready sa mga ganiyan specifically naman dito sa BCPO ay intelligence gathering ang pinakamagandang ginagawa,” dagdag niya.

Isasara ang mga pangunaghing kalsada sa Central Business District pangunahin ang Session Road mula ala-una ng madaling araw ng Pebrero hanggang alas-tres ng hapon upang bigyang daan ang grand opening parade na magsisimula sa Panagbenga park.

Sabi naman ni Anthony De Leon, president ng HRAB, “They can invite 12 or 24 national candidates. They will have to seat at the grandstand but they are not part of the program.”

Samantala, 88 pulis ang ipapakalat ng mangangasiwa ng trapiko sa naturang kalsada. Inaasahan din ang pag-akyat ng maraming mga turista sa lungsod para pa rin sa naturang selebrasyon.

May paalala naman ang PNP sa mga turista na aakyat at ng mga residente ng Baguio. “Hinihingi natin na magiging vigilant ang bawat isa then kung may nakita silang suspicious, report to the authorities,” ani ni Tanding. 

Umaasa ang mga otoridad na magiging maayos at payapa ang selebrasyon na Panagbenga kapag nilatag na ang plano ng PNP.

Tags: , , ,




PNP at AFP, nakaalerto sa CPP anniversary ngayong araw

by Jeck Deocampo | December 26, 2018 (Wednesday) | 13870
Courtesy: PNP Facebook Page

METRO MANILA, Philippines – Naka-alerto na ang mga pulis at sundalo kaugnay ng anibersaryo ng Communist Party of the Philippines (CPP) ngayong araw.

Karaniwan na ang paglulunsad ng pag-atake ng New People’s Army (NPA) tuwing anibersaryo ng CPP.

Sa ipinalabas na pahayag ng komunistang grupo, iginiit ng mga ito na hindi mapipigilan ng mga sundalo at pulis ang kanilang pagdiriwang. Magsasagawa sila ng mga rally at pagtitipon ng mga pulang mandirigma, mga aktibista sa mga pabrika at paaralan.

Kaya naman ang PNP ay naka-full alert na sa mga lalawigan at sa National Capital Region upang hindi malusutan ng NPA.

Ang full alert status ay ang pagpapakalat ng malaking pwersa ng mga tauhan sa vital installations para magbantay.

Payo ni PNP Chief Oscar Albayalde sa mga tauhan, huwag magpatumpik-tumpik at maging alerto lalo na ang mga police stations na ginagawang soft target ng NPA.

“Yung ating mga kapulisan they should be always alert and vigilant. They should maintain their alertness at target hardening measures and of course ‘yung kanilang camp defense,” ani PNP Chief Albayalde.

Ayon naman kay AFP Spokesperson BGen. Edgard Arevalo, sapat ang kanilang tauhan sa ground para pigilan ang anumang masamang pagtatangka ng rebeldeng grupo lalo na sa mga kanayunan.

Panawagan naman ng AFP sa mga rebelde, samantalahin ang alok na amnestiya ng gobyerno at sumuko na upang makabalik na sa kani- kanilang pamilya.

(Lea Ylagan | UNTV News)

Tags: , , ,




More News