Sinimulan na muling talakayin sa Senado ang pagsusulong sa pagpapahaba ng maternity leave sa bansa.
Ayon sa panukalang batas na inihain ni Sen. Risa Hontiveros, mula sa anim na pung araw ay maaari na itong gagawin itong 120-150 days.
Anim na panukalang batas sa pageextend ng maternity leave ang dinidinig ngayon ng senate committee on women, children, family relations and gender equality.
Sa proposed bill ni Sen. Risa Hontiveros, 120 days ng maaari nang ibigay sa isang buntis, habang maaaring dagdagan ng 30 oras o tototal sa 150 days ang para sa single mother.
Sa pagtalakay kanina ng Senado, binigyang diin ang kahalagahan ng mas mahabang panahon upang maaruga ng mga ina ang bagong silang na sanggol.
Kung ikukumpara sa international standards, napapagiwanan na ang pilipinassa mga kinakailangang reporma pag dating sa maternity law.
Ngunit ayon Civil Service Commission, kailangan isaalang-alang din ang epektong mahabang maternity leave sa productivity at output ng mga kababaihan, pati na rin ang employeability ng mga ito.
Dapat rin umanong pag-aralan kung nararapat nang lagyan ng limitasyon na hanggang sa apat na anak lang ang makakatanggap ng benepisyong ito.
Nagpahayag naman ng pangamba ang Social Security System o SSS na maaaring kapusin sila ng pondo sa mga darating na taon kung madadagdagan ang maternity benefits ng kanilang mga miyembro.
Ayon naman kay Sen.Risa Hontiveros pag-aaralan na sa technical working group ang fund source, at ang posibleng pagdagdag ng binabayarangpremium sa SSS.
(Joyce Balancio / UNTV Correspondent)
Tags: maaaring hindi masustain, Pondo sa mas mahabang maternity leave, SSS
METRO MANILA – Inihahanda na ng Social Security System (SSS) ang Calamity Loan Assistance Program na maaring i-avail ng mga Overseas Filipino Workers (OFWs) na naapektuhan ng malakas na lindol sa Taiwan.
Ito ay para sa mga OFW na pawang mga miyembro ng SSS.
Ayon kay SSS President and CEO Rolando Macasaet, ito ang unang pagkakataon na kanilang ie-extend ang loan program para sa mga Filipino worker na biktima ng kalamidad sa ibang bansa.
Paliwanag ng SSS ang calamity loan ay kanila lamang ino-offer para sa mga miyembro na apektado ng kalamidad sa Pilipinas.
Sa datos ng SSS, mayroong nasa 10,000 OFWs na active members ang nagta-trabaho sa Taiwan.
Tags: Calamity Loan, SSS, Taiwan OFWs
METRO MANILA – Ibibigay na ng Social Security System (SSS) sa darating na December 1 at December 4 ang 13th month pay ng mga pensyonado depende sa contingency dates ng pensioner.
Katumbas ito ng isang buwang pensyon.
Ayon sa SSS, aabot sa nasa 3 milyong mga pensyonado ang mabibigayan ng 13th month pay kabilang na ang retirement, disability at survivorship.
Bukod sa SSS, ipagkakaloob na rin ang cash gift sa mga retiradong kawani ng gobyerno na ibibigay sa unang Linggo ng Disyembre.
Katumbas naman ito ng nasa P10,000 o 1 buwang pensyon.
Nauna nang inianunsyo ng Department of Budget and Management (DBM) na matatanggap na simula kahapon (Nov. 15) ng mga kawani ng gobyerno ang year-end bonus na katumbas ng 1 buwang sweldo ng mangagawa.
Gayundin ang P5,000 cash gift para sa mga empleyadong kwalipikado na tumanggap nito.
Tags: 13th month pay, SSS
METRO MANILA – Tinaasan ng Social Security System (SSS) ang maximum amount ng funeral benefits sa P60,000 bilang insentibo sa mga aktibong miyembro.
Ayon sa SSS, sinimulan ang pagpapatupad sa enhanced guidelines sa SSS funeral burial benefit program nitong October 20, 2023.
Sa bagong patakaran, ang claimants ng pumanaw na miyembro ng SSS na may 36 months contribution o higit pa ay maaaring makatanggap ng P20,000 hanggang P60,000 na SSS funeral benefits.
Ang mga miyembro naman na nakapaghulog lang ng 1 buwan o hindi umabot sa 36 monthly contributions sa pahahon ng pagpanaw ay makatatanggap ng P12,000 fixed funeral benefits.
Ilan sa sakop ng enhanced funeral benefit ang embalming services, burial transfer services, funeral services at cremation o interment services.
Tags: Funeral Benefit, SSS
