Nakatakdang ilunsad ngayong araw ng Department of Transportation and Communications at Land Transportation Franchising and Regulatory Board ang Premium Airport Bus Service sa Ninoy Aquino International Airport.

Layunin ng paglulunsad ng naturang bus na mabigyan ng mas maayos na transportasyon ang mga pasahero sa paliparan.

Ang mga bus na magmumula ng NAIA terminals 1, 2 at 3 ay may rutang Roxas Blvd at Makati Central Business District.

Ang bawat bus ay kayang magsakay ng hanggang dalawampu’t apat na pasahero at may malalaking compartment para sa kanilang mga bagahe.

Meron din itong closed-circuit television cameras (cctv), global positioning system (gps) at wi-fi facility.

Tags: NAIA, Premium Airport Bus Service