MANILA, Philippines – Tinanggap na rin ni Presidential Spokesperson and Chief Presidential Legal Counsel Salvador Panelo ang hamon ng militanteng grupong Kilusang Mayo Uno na mag-commute papasok sa trabaho matapos sabihin ang isang “silly challenge”.
Sasakay aniya siya ng jeepney at LRT mula Marikina patungong Malacañang sa Maynila sa Biyernes ng umaga. Kasunod ito ng sinabi ng opisyal kamakailan na walang Mass Transportation Crisis sa Metro Manila at nagbigay pa ng payo sa mga pasahero. Tinuligsa ang Presidential Spokesperson dahil sa kaniyang naging pahayag.
“Ano ba ang ibig nilang sabihin ng transportation crisis? Ang nakikita ko lang traffic hindi ‘yung transport na iyon mayroong transportation naman ah. Nakakasakay naman tayo lahat. Eh, may solusyon naman doon eh. If you want to go arrive early in your destination, then you go there earlier.” ani Presidential Spokesperson & Chief Presidential Legal Counsel Sec. Salvador Panelo.
Naninindigan si Panelo na walang Mass Transport Crisis bagkus ang krisis umano ay nasa pagdurusa ng mga commuter at motorista. Samantalang ang ibang krisis naman ay ang di epektibong operasyon, maintenance at management ng LRTs.
Subalit di naman aniya pababayaan ng pamahalaang manatili ang pagdurusa ng mga commuter. Bagkus, ginagawa na aniya ng Administrasyong Duterte ang lahat nitong makakaya upang resolbahin ang kalbaryo ng mga pasahero at motorista.
(Rosalie Coz | UNTV News
Ipinahayag ni Presidential Spokesperson at Chief Presidential Legal Counsel Salvador Panelo na gusto lang ni Vice President Leni Robredo ng spotlight nang magsagawa ito ng press briefing kahapon para sana ianunsyo ang kaniyang sinasabing rebelasyon at rekomendasyon sa anti-drug war ng gobyerno.
Gayunman, ipinagpaliban muna ito ng Bise Presidente dahil sa nangyaring malakas na lindol sa iba’t ibang bahagi ng Mindanao.
Kahapon, kinwestyon ni Secretary Panelo ang pagkabinbin sa sinasabing rebelasyon at bumwelta naman ang kampo ng Pangalawang Pangulo at sinabing walang malasakit ang palace official sa taumbayan dahil pinipili pa aniyang malaman nito ang ulat at rekomendasyon ng Bise Presidente pagkatapos ng nangyaring lindol noong Linggo ng hapon.
Ayon naman kay Secretary Panelo, sa ginawang muling pagpapaliban ni VP Robredo, gusto lang nito ng spotlight at umaasa umanong makukuha ang atensyon ng taumbayan.
Binigyang-diin din ng opisyal, na kahit magsalita ang pangalawang Pangulo laban sa anti-drug war, hindi titigil ang pamahalaan sa pagtulong nito sa mga naapektuhan ng lindol.
(Rosalie Coz)
Tags: drug war, Panelo, Presidential Spokesperson Salvador Panelo, VP Leni Robredo
“Kahibangan,” ito ang sagot ni Presidential Spokesperson and Chief Presidential Legal Counsel Salvador Panelo nang tanungin sa napaulat na dahilan kung bakit tinutuligsa ni Pangulong Rodrigo Duterte ang dalawang water concessionaires na Maynilad at Manila Water.
Ayon sa ilang ulat, nais umanong papasukin ng Punong Ehekutibo ang kaniyang mga kaalyado sa industriya ng water distribution.
Una nang nagbanta ang Pangulo laban sa dalawang water concessionaire at mga nasa likod ng umano’y maanomalyang agreement na sasampahan ng kasong economic sabotage.
Ganito ang naging reaksyon ng Pangulo matapos katigan ang dalawang water distributors ng permanent court of arbitration sa Singapore sa kaso laban sa pamahalaan at pagmultahin ang gobyerno ng bilyong-bilyong pisong halaga dahil sa ‘di pagpayag na magtaas sa kanilang singil sa tubig noong nakalipas na administrasyon.
“That’s nonsense, si Presidente pa, walang ally-ally kay Presidente,” ani Sec. Salvador Panelo, Presidential Spokesperson and chief Presidential Legal Counsel.
Inisa-isa ng Palasyo ang mga pinaniniwalaang mapaminsalang probisyon sa publiko ng mga naturang water concession agreement kabilang na ang walang pakialam ang gobyerno sa water rates ng water distributors, gayundin ang umano’y maanomalyang pagpapalawig ng kasunduan hanggang sa taong 2037 kahit ‘di pa napapaso ang deal.
Nabuksan naman ng Palasyo na posibleng ang gobyerno ang mag-take over upang ‘di matigil ang serbisyo ng water distribution kung walang ibang pribadong sektor na mag-take over.
“Initially government muna then most likely after that there will be biddings for a private company to take over,” ayon pa kay Sec. Salvador Panelo, Presidential Spokesperson and chief Presidential Legal Counsel.
Taong 1997 nang pirmahan sa pagitan ng Metropolitan Waterworks and Sewerage System (MWSS) at Manila Water Services Inc. at Maynilad ang water concession contracts. Bago iyon, nasa kamay ng gobyerno ang pamamahala sa water services subalit mababa ang kalidad ng serbisyo.
Sa panahong iyon, walang maraming investors ang interesadong sumugal ng bilyon-bilyong pisong halaga para ayusin ang kalidad ng water services at ang Manila Water at Maynilad ang nanalo sa concessions.
(Rosalie Coz | UNTV New)
Tags: Manila Water, Maynilad, MWSS, Presidential Spokesperson Salvador Panelo
Nanindigan ang Malacañang na hindi labag sa batas kung tumanggap man ng munting regalo ang mga tauhan ng Philippine Natonal Police mula sa mga natulungan nila.
Ayon kay Presidential Spokesperson Salvador Panelo, hindi kasama sa probisyon ng anti-graft and corrupt practices act gayundin ng code of conduct ang mga simpleng regalo para sa mga kawani o opisyal ng pamahalaan.
Ang gift-giving aniya ay pagtanaw ng utang na loob lamang ng mamamayan sa mga law enforcer na isinusugal ang kanilang buhay upang mapanatili ang kaayusan at kapayapaan sa mga komunidad.
Magsisilbi rin umano itong dagdag inspirasyon upang lalo pang gampanan ng maayos at tapat ang kanilang trabaho.
Una nang sinabi ni Pangulong Rodrigo Duterte na hindi ito maituturing na panunuhol.
“Well, basta kung bigyan kayo, eh tanggapin ninyo. It is not bribery because — it cannot be bribery because it is allowed by law. What I mean if there is generosity in them, sabi ng anti-graft you cannot accept gifts. Kalokohan ‘yan. I know that, especially the police, if you are able to solve a crime and you guys from Davao alam man ninyo ‘yan. If you are able to solve a crime and the family would like to be generous to you or would nurture a feeling of gratitude for what you accomplish, then by all means, accept it,” Pahayag ni Pangulong Rodrigo Duterte.
(Rosalie Coz | UNTV News)
Tags: Malacañang, Philippine Natonal Police, Presidential Spokesperson Salvador Panelo
