Hindi masagot ni Presidential Spokesperson Harry Roque ang mga tanong hinggil sa kalusugan ni Pangulong Rodrigo Duterte.
Ito ay matapos lumabas ang mga ulat na sinabi nina Acting Interior Secretary Eduardo Año at Chief Presidential Legal Counsel Salvador Panelo na cancer-free ang punong ehekutibo.
Ayon sa mga opisyal, mismong si Pangulong Duterte ang nagsabi umano nito sa kanilang cabinet meeting kagabi. Tumanggi naman si Roque na kumpirmahin o pabulaanan ang mga pahayag na ito.
Gayunman, nagtitiwala pa rin si Roque na kung sakaling mang may seryosong banta sa kalusugan ng Pangulo, mismong si Pangulong Duterte ang magsasabi nito sa publiko.
Subalit sa ngayon, hangga’t walang binabanggit ito ay nanindigan ang Malacañang sa karapatan ni Pangulong Duterte hinggil sa confidentiality.
Samantala, hindi pa rin nakakapagdesisyon ang opisyal kung itutuloy nito ang pagtakbo bilang senador o tanggapin ang alok na pagiging press secretary ng Duterte administration. Patuloy aniya silang nag-uusap ni Pangulong Duterte hinggil dito.
Sa susunod na linggo, inaasahang magbigay ito ng pinal na desisyon at nakatakda ring bumiyahe ang kalihim patungong China para sa isang conference mula ika-11 hanggang ika-15 ng Oktubre.
( Rosalie Coz / UNTV Correspondent )
Tags: kalusugan, Pangulong Duterte, Presidential Spokesperson Roque
METRO MANILA – Sisimulan na ng Department of Education (DepEd) na ipatupad muli ang kanilang mga programang pangkalusugan sa ilalim ng “Oplan Kalusugan” o “OK sa DepEd” program ng kagawaran.
Layunin ng programa na mapagtibay ang health program ng DepEd gaya ng school-based feeding program at iba pang nutrition support programs.
Kasama rin dito ang national drug education program, comprehensive tobacco control; adolescent reproductive health program (ARH); water, sanitation at hygiene (WASH) in schools (WINS).
Ilan pa sa muling isasagawa ng kagawaran ang pagbibigay ng medical, dental at nursing services at school mental health program.
Samantala, sa tala ng DepEd, kadalasang sakit na naitatala sa mga mag-aaral ay ang dental caries, sipon at ubo, gayundin ang skin allergies.
Habang nasa 3.5 million naman na mga estudyante sa elementarya ang ikinukonsiderang undernourished. 1.7-M dito ay mula sa kinder to grade 6 students habang 1.8-M naman ay mula sa kinder level nationwide.
Bukod sa DOH, katuwang rin ng DepEd ang Office of the Vice President sa pagtugon sa problema sa mulnutrisyon sa bansa sa pamamagitan nman ng kalusugan food trucks nito na ide-deploy at mag-iikot sa Luzon, Visayas at Mindanao.
(Janice Ingente | UNTV News)
METRO MANILA – Batid ni Pangulong Rodrigo Duterte ang masamang epekto ng E-sabong operations sa mga pamilya.
Kaya naman humingi ito ng tawad sa publiko dahil sa pagpapahintulot nito sa bansa.
Ayon sa punong ehekutibo, nanghinayang siya sa kikitaing buwis ng pamahalaan.
Ginawa nito ang pahayag ng pangunahan ang inspeksyon sa National Academy of Sports sa New Clark City sa Capas, Tarlac kahapon (June 14).
Subalit ayon sa pangulo, napagtanto niya ang masamang epekto ng bisyo sa mga Pilipino.
“Kaya ‘yun ang naano ko, but I realized very late and I am very sorry that it had to happen. Hindi ko akalain na ganoon, hindi naman ako nagsusugal. I do not gamble, I do not drink anymore, only water. Pag na-dysfunctional, sige away. Maghiwalay ‘yan.” ani Pangulong Rodrigo Duterte.
Nitong nakalipas na buwan, iniutos ng presidente na agarang ipatigil ang e-sabong operations sa bansa.
Ito ay matapos magsagawa ng pag-aaral ang pamahalaan kaugnay ng negatibong social epekto ng sugal. Kabilang na ang pagkakalulong ng ilang naglalaro na nagreresulta pa sa pagbebenta ng kanilang mga anak.
(Rosalie Coz | UNTV News)
Tags: E-SABONG, Pangulong Duterte
METRO MANILA – Opisyal nang bababa sa pwesto si Pangulong Rodrigo Duterte sa June 30, 2022 pagkatapos ng eksaktong 6 na taong panunungkulan.
Bago ito, panalangin ng punong ehekutibo ang mas mainam na administrasyong susunod sa kaniya.
Ginawa nito ang pahayag nang dumalaw sa mga biktima ng bagyong Agaton sa Capiz noong araw ng Sabado (April 16).
“When I think of my country, I hope that the next year, I would wish really. I hope I hope and I pray that the next administration will be much better than mine on all aspects.” ani Pres. Rodrigo Duterte.
Bukod dito, hiling din niyang magtagumpay ang susunod na administrasyon sa pakikipag-payapaan sa mga rebeldeng komunista.
Muli ring inulit ng pangulo ang pagnanasa nitong maipagpatuloy sana ng susunod na presidente ang laban kontra iligal na droga sa bansa sa gitna ng pangambang magkaroon ng resurgence ng drug problem sa bansa.
Samantala, tiniyak naman ng presidente na maipagpapatuloy ang pagpapatayo ng mga bahay ng mga biktima ng bagyong Agaton kahit wala na siya sa pwesto.
Dumalaw rin ang presidente sa Baybay City, Leyte noong araw ng Biyernes (April 15).
Isa ang probinsya ng Leyte sa pinaka-apektado ng bagyo kung saan marami ang nasawi dahil sa pagguho ng lupa at mga pagbaha.
“There’s only two months left of my presidency, so I won’t be able to do much to help you. But what I can assure you is that I will help make sure that preparations will be in place to help give you new houses. But that’s a program of the government and I’m sure that the next administration will follow through with the program because there’s nothing else that they can do.” ani Pres. Rodrigo Duterte.
Nagsagawa ang punong ehekutibo ng aerial inspection sa Baybay City-Leyte gayundin sa Capiz upang i-assess ang tindi ng pinsala ng kalamidad.
Nakipagpulong din ang presidente sa mga opisyal ng mga ahensya ng pamahalaan at local government units sa Leyte.
(Rosalie Coz | UNTV News)
Tags: Pangulong Duterte
