Bumaba ng sampung piso ang presyo ng mga gulay na inaangkat mula sa lalawigan ng Benguet at Baguio.
Ang carrots na dating 45 pesos kada kilo ngayon 20-23 kada kilo. Ang repolyo, wombok at pechay na dating 20 pesos kada kilo bumagsak ng 10-16 per kilo. Ang dating 55 pesos per kilo na patatas, ngayon ay naglalaro na lang sa 30-45 pesos per kilo at ang sayote mabibili ngayon ng 5-6 pesos kada kilo.
Ayon kay Agot Balanoy, tagapagsalita ng League of Associations La Trinidad vegetable trading ang pagbasak presyo ay epekto ng pagdami ng suplay ng gulay. Aniya nag sabay-sabay ang pagdating ng mga inaning gulay nang mabuksan ang ilang mga national roads patungo sa La Trinidad trading post.
Samantala, nanatiling sarado pa rin ang apat na kalsada patungong Cordillera. Ang mga ito ay ang baay and manicbel bridge along Abra-Cervantes Road, Kiangan-Tinoc-Buguias Boundary Road sa Ifugao, Tabuk-Bontoc-Banaue Road sa Kalinga, at Junction Talubin-Barlig-Natonin-Paracelis-Calaccad Road sa Mt. Province.
One lane passable naman ang Tawang-Ambiong Road, Baguio City Limit – Sto. Tomas Road , Banaue -Hungduan-Benguet Boundary Road at Baguio – Bontoc Road Namatec Section
(Grace Doctolero / UNTV Correspondent)
Tags: Benguet at Baguio City, Presyo ng gulay, sobrang suplay
METRO MANILA – Umabot na sa P1.2-B ang halaga ng mga nasirang agricultural products sa bansa matapos masira ang ilang taniman sa Northern Luzon dulot ng pananalasa ng bagyong Maring.
Nasa 42,000 magsasaka ang naapektuhan ang kabuhayan. Dahil dito, inaasahang mababawasan na rin ang supply ng mga gulay sa Metro Manila gayundin ang pagtaas ng presyo ng mga produktong agrikultura.
“Nakita natin ang paggalaw ng gulay dahil ito nga rin ay epekto nung nasalantang mga produce natin. Definitely, ‘pag nabawasan ang yield dahil natamaan ng bagyo ay tataas ang price points ng ating mga gulay dahil yung logistical cost ganun parin po and yet mas konti na ang nadadala sa merkado” ani DA Asec. Kristine Evangelista.
Gayunpaman, nakikipag-ugnayan na ang da sa iba pang rehiyon para sa alternatibong suplay ng gulay sa Metro Manila.
“Basically we are augmenting from different regions po to make sure na hindi masyadong magalaw ang presyo ng gulay para na rin po sa ating mga consumers dito.” ani DA Asec. Kristine Evangelista.
Siniguro naman ng DA na patuloy ang pagbabantay sa suply ng agricultural products sa bansa upang hindi maabuso ang pagtaas ng presyo nito.
Tiniyak din ng kagawaran na may nakahandang tulong para sa mga magsasaka na naapektuhan sa nakalipas na pananalasa ng bagyong Maring
“Initially ang amin pong binibilisan para mapa-disperse na po at maibigay sa ating mga kababayang magsasaka’t mangingisda ay yung ating mga binhi at yung mga gamot para sa kanilang mga livestock, mga animals.” ani DA Asec. Kristine Evangelista.
Mayroon ding nakahandang zero interest loan para sa mga magsasaka na nais umutang ng pang-kapital kailangan lamang makipag-ugnayan sa tanggapan ng DA sa inyong lugar.
(Janice Ingente | UNTV News)
Tags: Bagyong Maring, Presyo ng gulay
Posibleng mapababa ng mahigit 50% ang presyo ng gulay ayon sa Laban Konsyumer group.
Ayon kay Vic Dimagiba ng Laban Konsyumer group, tumataas ang presyo ng gulay dahil pitong beses na pumapatong ang presyo nito bago makarating sa mga mamimili.
Inihalimbawa ni Dimagiba ang presyo ng repolyo na nagkakahalaga lamang ng 20 pios kung bibilhin direkta sa magsasaka.
Pero dahil marami pa itong pagdadaanan, tumataas ang halaga nito pagdating sa palengke. Dagdag pa niya, papatong ng piso ang disposer sa repolyo, tatlong piso naman sa consolidator o assembler, 10 piso sa middle man, 5 piso sa wholesaler, 20 piso sa retailer at sampung pisong patong naman sa mga talipapa.
Lumalabas, ang 20 piso na repolyo, halos 60 piso na ang isa bago makarating sa mga consumer.
Sa bagong pamamaraan na inirerekomenda ng Laban Konsyumer, mula sa magsasaka dadaan sa disposer at direkta sa consumer, mawawala na ang consolidator, middle man, wholesaler, retailer at talipapa. Lalabas, maaari ng mabili ng mamimili ang isang repolyo sa halagang 21 piso na lamang.
Pero bago magawa ito, mangangailangan ang Laban Konsyumer ng mga nagnanais makiisa sa programa.
Muli namang nag-price monitoring inspection ang grupo sa mga pamilihan, naobserbahan ng grupo na hirap makasunod ang ilang mga nagtitinda ng gulay sa suggested retail price (SRP) na ipinapatupad ng DA.
Ayon sa mga nagtitinda, wala na sila masyadong kikitain kung ipipilit sa kanila na ibenta sa SRP price ang mga gulay.
Tinututulan naman ng Laban Konsyumer ang planong importasyon ng pamahalaan dahil hindi ito ang solusyon upang mapababa ang presyo ng gulay.
Nauna nang sinabi ng DTI at DA na mag-iimport ang bansa ng gulay at isda upang maibsan ang tumataas na presyo nito.
( Mon Jocson / UNTV Correspondent )
Matapos ang ilang araw na pagbuhos ng malakas na ulan dulot ng habagat, tumaas ang presyo ng gulay sa ilang malalaking palengke sa Quezon City.
Sa Nepa Q Mart at Litex Market, tumaas ng sampu hanggang trenta pesos ang bentahan ng gulay; gaya na lamang ng repolyo na dating ibinebenta ng 70 piso, ngayon 100 piso na ang kada kilo.
Ang sayote na dating 20 piso lamang ang kilo, ngayon ay umaabot na sa 40 piso. Ang carrots na dating 80 piso, ngayon nasa 100 piso na ang bentahan. Tumaas rin ang presyo ng broccoli na ngayon ay ibinebenta na ng 80 piso.
Trenta pesos naman ang itinaas kada kilo ng pechay Baguio, habang limang piso naman ang nadagdag sa presyo ng kada kilo ng patatas.
Nagkaroon rin ng bahagyang pagtaas sa presyo ng ampalaya, talong, kalabasa at sitaw na nasa 80 hanggang 100 piso ang bentahan. Maging ang kada kilo ng sibuyas at kamatis ay nagmahal rin ng bente pesos.
Paliwanag ng mga nagtitinda, tumaas ang benta ng gulay ng mga supplier lalo na ang mga galing sa Baguio City.
Bukod sa mga gulay, nagmahal rin ng 20 hanggang 50 piso ang karne ng baboy at manok sa palengke.
Ang laman at liempo na dating ibinebenta ng 190 piso kada kilo, ngayon naglalaro na sa 210 hanggang 240 piso. Ang manok na dating 140 piso, tumaas na sa165 piso ang kada kilo.
Dahil dito, nagrereklamo ang ilang nagtitinda sa matumal na bentahan ng kanilang negosyo.
Tumaas rin ng sampu hanggang bente pesos ang presyo ng ilang isda, gaya ng galunggong, tilapia at bangus.
( Joan Nano / UNTV Correspondent )
Tags: habagat, Metro Manila, Presyo ng gulay
