Pagkatapos ng big time rollback noong nakaraang linggo, muling magkakaroon ng pagtaas sa presyo ng mga produktong petrolyo.
Ayon sa oil industry players, 50 hanggang 60 sentimos kada litro ang posibleng itaas sa halaga kada litro ng gasolina, diesel at kerosene.
Samantala, nagtaas naman ng presyo kahapon ang ilang brand ng liquified petroleum gas (LPG).
90 sentimos kada kilo ang itinaas ng Petron Gasul o nasa sampung piso bawat 11-kilogram na tangke at 91 sentimos kada kilo naman ang itinaas ng Solane o mahigit sampung piso sa bawat 11-kilogram na tangke.
Tags: big time rollback, oil industry players, produktong petrolyo
MANILA, Philippines – Epektibo na simula bukas (July 2) araw ng Martes ang bigtime oil price hike.
Ito ang ikatlong beses na tataas ang presyo ng produktong petrolyo matapos ang serye ng mga rollback ilang linggo na ang nakakaraan.
Ayon sa mga industry player, P0.95 kada litro ang itataas ng presyo ng Diesel, P1.20 kada litro ang itataas ng gasolina habang P1.00 kada litro naman sa Kerosene.
Samantala, magkakaroon naman ng mahigit P3.00 kada kilo na rollback sa presyo ng Liquified Petroleum Gas (LPG) simula ngayong araw (July 1).
P3.40 per kilo ang rollback ng petron at phoenix sa lpg habang P3.36 naman per kilo sa solane.
Bukod dito may rollback din sa presyo ng Auto lpg na P1.90 kada litro.
Ang dagdag at bawas sa presyo ng lpg at produktong petrolyo ay bunsod ng paggalaw sa presyo ng langis sa world market.
Samantala, pinagbigayan ng Makati Regional Trial Court ang petisyon ng Philippine Institute of Petroleum para sa Temporary Restraining Order (TRO) sa fuel unbundling order.
Ayon sa mga industry player, siguradong mauuwi sa regulasyon o pag-control sa presyo ang naturang kautusan.
Sa ngayon ay umiiral ang oil deregulation law kung kaya’t walang kontrol at hindi dapat makialam ang pamahalaan kung paano pinipresyuhan ang produktong petrolyo ng mga oil companies, pero tutol ang Department of Energy(DOE).
Ayon naman kay Laban Konsyumer President Vic Dimagiba, karapatan ng publiko na malaman kung paano pinapresyuhan ng mga oil company ang produktong petrolyo.
Kaya naman nagdududa ang kanilang grupo sa pagtutol ng mga oil company sa fuel unbundling order.
Samantala nanindigan ang DOE na itutuloy nila ang pagpapatupad sa kautusan sa fuel undundbling matapos ang effectivity ng TRO.
(Mon Jocson | Untv News)
Tags: DOE, LPG, produktong petrolyo, rollback sa presyo, taas-presyo
Sinimulan ng ipatupad ng ilang oil company noong June 1 ang isang Bigtime price rollback sa produktong petrolyo at Liquified Petroleum Gas (LPG) habang ang iba ay hahabol pa ngayong araw at bukas.
Mahigit P6 kada kilo o halos P70 kada tanke ang matitipid ng mga consumer sa presyo ng LPG.
Ayon sa mga manufacturer, P6.25 ang bawas sa kada kilo ng Petron Gasul at Phoenix habang P6.09 naman sa presyo ng kada kilo ng Solane.
Malaki rin ang bawas presyo sa mga produktong petrolyo,sa Shell, Petro Gazz at Seaoil, P1.70 kada litro ang mababawas sa presyo ng gasolina, P1.05 kada litro sa diesel, at piso naman kada litro sa kerosene.
Nauna naman ng nagpatupad ng rollback ang Phoenix Petroleum noong June 1 sa kaparehong presyo ng ibang kumpanya ng langis.
Ang Bigtime oil price rollback ay bunsod ng paggalaw ng presyo ng produktong petrolyo sa world market.
(Mon Jocson | Untv News)
METRO MANILA, PHILIPPINES – Matapos ang dagdag-bawas sa presyo ng produktong petrolyo noong nakaraang Martes, inaasahan na naman ang pagtaas ng presyo ng langis sa susunod na lingo.
Ayon sa mga industry player, posibleng madagdagan ng piso ang presyo ng gasolina habang nasa lima hanggang sampung sentimo lamang ang diesel.
Nilinaw ng mga oil company na hindi pa ito pinal dahil mayroon pang natitirang ilang araw na trading day bago ang final adjustment sa presyo ng produktong petrolyo.
Tags: oil company, Prersyo ng diesel, presyo ng langis, produktong petrolyo
