Nagpatupad ng panibagong dagdag-presyo sa mga produktong petrolyo ang ilang kumpanya ng langis ngayong araw.
Forty five centavos ang nadagdag sa presyo ng kada litro ng gasolina ng Shell, Flying V at Seaoil.
Sixty centavos naman sa diesel at fifty five centavos sa bawat litro ng kerosene.
Kaparehong halaga rin ang ipinatupad na price hike sa gasolina at diesel ng Phoenix Petroleum, PTT Philippines, Jetti, Unioil at Eastern Petroleum ngunit wala namang naging paggalaw sa halaga ng kerosene.
Ito ang ikatlong dagdag presyo sa mga produktong petrolyo ngayong buwan.
