Hillfort Primary School has banned pupils from running (Picture: Google Street View)

Pinagbawalan ng Hillfort Primary School sa Cornwall, UK ang mga estudyante nito na tumakbo sa playground ng eskwelahan tuwing lunch break upang mabawasan ang mga batang nai-injure.

Hindi naman ikinatuwa ng mga magulang ang bagong patakaran dahil anila ay may karapatang tumakbo nang malaya ang mga bata sa playground kapag lunch time.

Iginiit rin ng mga magulang sa head teacher na si Dr. Tim Cook na dapat ay dagdagan nito ang staff na magsu-supervise sa mga bata tuwing lunch break upang mabantayan ang mga ito.

Nilinaw naman ng head teacher na pinagbabawalan lamang ang mga bata na tumakbo mula sa isang dulo ng playground papunta sa kabilang dulo nito.

Ibig sabihin, hindi na magagawa ng mga bata ang mga larong gaya ng “British bulldogs”, na siyang UK version ng laro sa Pilipinas na “agawan base”, kung saan kailangang magamit ang buong playground para takbuhan ng mga manlalaro.

Tags: Primary School sa UK