Umaga kahapon nagpulong ang grupo ni House Speaker Gloria Arroyo.
Dito itinalaga nila bilang interim member sina Camarines Sur Rep. Rolando Andaya, Bohol Rep. Arthur Yap, Minority Leader Danilo Suarez, Iloilo Rep. Arthur Defensor at LP member, Marikina Rep. Miro Quimbo.
Isa sa mga posisyon na kanilang pupunan ngayon ay ang posisyon ng majority leader na dating hawak ni Ilocos Norte Rep. Rudy Fariñas.
Maagang dumating si Arroyo sa Kamara at agad nakipagkita sa mga Chinese businessman.
Aniya, wala pang anomang komunikasyon sa pagitan nila ng dating house speaker.
Pinanindigan naman ni Davao Rep. Karlo Nograles na handa silang idepensa ang prosesong kanilang ginawa kahapon matapos ng mga naglabasang isyu sa tila kudeta na nangyari sa plenaryo noong Lunes.
Ayon naman kay Oriental Mindoro Rep. Reynaldo Umali, nagpulong din sila kasama si dating Speaker Alvarez ang nasa 25-30 congressmen na sa ngayon ay kaalyado nila.
Dito napag-usapan na bubuo sila ng isang grupo ng minorya, pero tiniyak nilang susuportahan pa rin nila ang Duterte administration.
Naniniwala si Umali na isa sa dahilan ng pagpapatalsik kay Alvarez ay ang naging alitan nila ni Presidential daughter Sara Duterte-Carpio.
Pagkatapos ng mga nangyari, wala na daw balak pa si Alvarez na bawiin ang kanyang posisyon lalot hawak na ni Arroyo ang mayorya ng mga kongresista.
Sa unang araw ng sesyon sa ilalim ng bagong liderado niratipikahan na ang Organic Law for the Bangsamoro Autonomous Region in Muslim Mindanao.
( Grace Casin / UNTV Correspondent )
METRO MANILA – Maglalaan ng 4 na Linggo ang Kamara upang talakayin ng mga komite ang P5.768-T na panukalang pondo ng pamahalaan para sa taong 2024.
Habang isang Linggo naman ang ilalaan para muli itong talakayin sa plenaryo.
Ayon kay House Speaker Martin Romualdez, bubusisiin nila ang panukalang pambansang pondo upang mailaan ng maayos at mapakinabangan ng taumbayan ang kanilang buwis
Sa pagdinig kahapon sa Kamara para sa 2024 proposed budget, muling na-question ang higit P10-B na ilalaang pondo para sa confidential at intelligence funds ng ilang mga ahensya ng gobyerno
Nagpakita pa si Kabataan Partylist Representative Raoul Manuel ng graph na tumataas umano ang pondo at nadagdagan pa ang mga ahensya na humihingi ng confidential at intelligence funds.
Kabilang sa mga opisina ng pamahalaan na may request na intelligence at confidential funds ang Office of the President, Office of the Vice President, DepEd, Department of Agriculture, at Department of National Defense.
Samantala, napuna naman ng isang mambabatas ang P1-B tinapyas sa budget ng Department of Information and Communications Technology (DICT).
Paliwanag ng DBM, pinakamabagal kasing gumastos ng pondo ang DICT.
Ayon sa DBM, mayroon na silang rekomendasyon sa DICT upang tulungan ang ahensya na maisagawa ang mga proyektong inilalatag nito na pinaglalaanan ng pondo mula sa taumbayan.
METRO MANILA – Pasado na sa ikatlo ang huling pagbasa ang House Bill No. 6608 o ang Maharlika Investment Fund (MIF) Bill.
Ito’y matapos na i-certify as urgent ni Pangulong Ferdinand Marcos Junior.
Nasa 279 ang bumoto pabor sa pag-apruba ng panukalang batas habang 6 ang nag-oppose o hindi pumabor sa pagpasa nito. Nasa 90% rin o 282 ang mga co-authors ng nasabing panukala.
Ayon kay House Speaker Martin Romualdez, isa sa mga principal author ng House Bill 6608, nais nilang tiyakin sa publiko na magiging maayos ang pagpapatakbo ng Maharlika Investment Fund.
Sa ilalim ng panukalang batas, ang Landbank of the Philippines, Development Bank of the Philippines, Philippine Gaming and Amusement Corporation at Bangko Sentral ng Pilipinas ang magiging contributors ng MIF.
Maaaring makulong ng hanggang 20 taon at multa na hanggang P3-M ang lalabag sa panukalang batas.
Ang national treasurer ang inatasan na bumuo ng Implementing Rules and Regulations (IRR) ng MIF.
METRO MANILA – Pasado na sa kamara ang House Bill number 4488 o ang General Appropriations Fund para sa P5.268-T proposed national budget para sa susunod na taon.
Matapos ang budget deliberation, tinalakay sa plenaryo ang panukalang pondo ng bawat ahensya ng gobyreno. Isang linggo isinagawa ang nasabing plenary debates.
Una nang na-certify as urgent ni Pangulong Ferdinand Marcos Jr. ang proposed 2023 national budget, agad na naipasa ito sa mababang kapulungan ng Kongreso.
Muling iginiit ng mga mambabatas sa kamara na ang alokasyon ng pondo ay nakahanay sa layon na mapalago ang ekonomiya, mapalakas ang sektor ng agrikultura, at magkaroon ng mas maraming oporunidad para sa manggagawang Pilipino.
Sa ngayon, ipapasa na ng kamara ang General Appropriations Bill sa Senado. Magsasagawa ng Bicameral conference upang maisaayos ang pagkakaiba ng 2 appropriations bill.
Tags: 2023 Budget, Kamara
