Sinuspinde ng pamunuan ng University of Santo Tomas ang operasyon ng iba’t-ibang fraternity at sorority group sa buong unibersidad, epektibo sa susunod na school year.
Sa isang memorandum order ng Office of the Student Affairs ng UST na ipinost sa kanilang official twitter account.
Ipinag-utos ng unibersidad ang pagpapahinto ng recruitment ng mga estudyante at iba pang aktibidad na isinasagawa ng mga fraternity, sorority at iba pang mga kahalintulad na organisasyon sa UST.
Ang naturang suspensyon ay ipinag-utos ng eskwelahan matapos ang pagkamatay ng UST law student na si Atio Castillo sa kamay ang Aegis Juris fraternity dahil sa madugong hazing.
Tags: fraternities at sororities, recruitment, UST
Mapayapang natapos kahapon ang 2018 bar exams sa University of Sto. Tomas kung saan mahigit walong libong aspiring lawyers mula pa sa iba’t-ibang panig ng bansa ang nagpursige sa loob ng apat na magkakasunod na linggo ngayong Nobyembre.
Sa tala ng Office of the Bar Confidant 8, 701 applicants ang naging kwalipikado upang makakuha ng bar exams nguni’t may ilang nabawas sa mga ito sa mga nakalipas na linggo.
Pagpatak ng alas sais kagabi, sunod-sunod nang naglabasan ang bar examinees, kitang-kita sa mga ito ang tuwa na natapos nila ang bar exams.
Sa kabilang lane, sa harap ng UST naghihintay naman ang mga kabigan, kaanak at mga kamag- aral ng mga aspirants dala-dala ang mga banner, bulaklak at mga poster ng kanilang mga pambato.
Galing man sa iba’t-ibang pamantasan at larangan, tagumpay para sa lahat ang hangad ng bawa’t isa. Aminado mang mahirap ang bar exams, umaasa ang mga itong makakapasa.
Ang ilan naman sa mga examinee na galing pa ng ibang probinsya, excited ng makauwi, dahil simula pa Hunyo ay lumuwas na sila ng Maynila upang makapag-review lang at matutukan ang bar exams.
Pabor at praktikal para kay Joyce na galing Bohol ang panukalang magkaroon din ng bar exams sa mga probinsya upang hindi na dumayo pa sa Maynila.
Ayon sa Supreme Court Bar exam committee, mas marami ng dalawang libo ang examinees ngayong taon kumpara ng taong 2016 at 2017.
Saklaw ng bar exams ang walong subjects gaya ng political law, civil law, taxation, labor law, remedial law, mercantile law at legal and judicial ethics
Inaasahan namang lalabas ang resulta ng bar exams sa huling linggo ng Abril o unang linggo ng Mayo sa susunod na taon.
( Aiko Miguel / UNTV Correspondent )
Tags: aspiring lawyers, bar exams, UST
Kaniya-kaniyang eksena ang mga tagasuporta ng mga law graduates na kumuha ng bar exams ngayong taon.
Ang iba, madaling araw pa lang at kahit galing pa sa mga malalayong probinsya ay nakaabang na sa tapat ng University of Santo Tomas para sa unang bahagi ng apat na linggong pagsusulit kahapon.
Ang 54 anyos na si Tatay Edgar, hindi lamang apat na taon ang binuno sa law school para matupad ang pangarap na maging ganap na abogado.
Umasa ito na lahat ng pagod at puyat niya sa pag-aaral sa loob ng syam na taon ay magreresulta ng katuparan ng kaniyang mga pangarap.
Higit 8 libong law graduates ang kumuha ng 2018 bar examinations ang pinakamaraming bilang ng examinees sa mga nakalipas na taon. Bawat examinee ay umaasang maisasama ang kanilang pangalan sa mga magiging tagapagtanggol ng hustisya.
Payo naman ni Supreme Court Associate Justice Marvic Leonen sa mga kukuha ng eksaminasyon ngayong taon na kumain ng nararapat, matulog ng maayos, ipagpasa-Dios ang pagsusulit at huwag magpanic.
Higit 400 pulis naman ang itinalaga sa paligid ng UST para sa seguridad ng mga examinees, magulang, supporters at tagapangasiwa ng pagsusulit.
Ayon kay National Capital Region Police Office Chief Guillermo Eleazar, wala naman silang natatanggap na anomang banta sa seguridad.
Ngunit ayon sa opisyal, hindi nila ipagbabakasakali ang seguridad ng bar exam takers at kanilang mga taga-suporta lalo na ay ilang insidente na rin ng karahasan ang naitala sa mga nakalipas na bar examinations.
Samantala, pinaalalahanan ni Presidential Spokesperson Salvador Panelo na ang tunay na hamon sa ligal na propesyon ay ang pagtataguyod sa integridad at dignidad nito.
Kasabay nito ay ipinaabot din ng Duterte administration ang pagbati para sa lahat ng bar examinees ngayong taon.
( Mai Bermudez / UNTV Correspondent )
Tags: Abogado, bar examinees, UST
Inihahanda na ng National Bureau of Investigation (NBI) ang paglilipat ng kulungan sa sampung akusado sa pagpatay sa UST law student na si Horacio “Atio” Castillo III.
Ayon kay NBI Deputy Director Spokesman Ferdinan Lavin, alinsunod ito sa kautusan ni Judge Marivic Balisi-Umali ng Manila Regional Trial Court Branch 20 matapos hindi pagbigyan ang kahilingan ng mga suspek na manatili sa kustodiya ng NBI.
Batay sa kautusan ng korte, mayroong 48 oras ang NBI upang ilipat ng kustodiya ang sampung anti-hazing suspects sa Bureau of Jail Management and Penology (BJMP).
Binigyang merito ng korte ang panig ng prosekusyon na dapat sa pasilidad ng BJMP makulong ang mga taong nahaharap sa paglilitis at ang NBI detention facility ay nagsisilbi lamang na pansamantalang lock-up cell.
Tags: Atio Castillo case, NBI, UST
