Naisapinal na kahapon ang magiging programa para sa inagurasyon ni President Elect Rodrigo Duterte.

Kahapon isinagawa ng mga miyembro ng inaugural committee sa mismong Rizal Hall ng palasyo ng Malakanyang ang isang rehearsal kung papaano ang magiging takbo ng programa para sa panunumpa sa tungkulin ng incoming president.

Magmula sa magiging pwesto ng mga anak ni President Duterte na sina Sara, Paolo, Sebastian at Veronica ay inayos na rin ng komite.

Magsisimula ng alas diyes y medya ng umaga ang programa para sa inagurasyon,

Kahapon pa lamang mahigpit na rin ang ipinatutupad na seguridad sa paligid ng Malakanyang katulong ang mga tauhan ng Manila Police District at Presidential Security Group.

(Nel Maribojoc/UNTV Radio)

Tags: inaugural committee, Rehearsal