Manila, Philippines – Hindi tiwala sa Automated Elections System na ipinatutupad ng Commission on Election (COMELEC) ang fraud accuser at dating kinatawan ng Biliran na si Atty. Glenn Chong. Gayon pa man ay napilitan siyang tumakbo sa pagkasenador sa darating na halalan.
Sa kaniyang ekskulisibong panayam sa programang Get it Straight with Daniel Razon, aminado siya na nais niyang gamitin ang pagtakbo niya sa halalan upang maibunyag ang mga katiwalian at pandaraya ng mga tinutukoy niyang sindikato sa eleksyon.
Dagdag pa ni Chong, dapat na rin aniya na matuldukan na ang mga iregularidad na nangyayari tuwing sasapit ang halalan sa bansa.
“Smartmatic, Sir,(Daniel Razon), kick them out kasi ‘di naman natin pwedeng i-kick out ang COMELEC because it’s a constitutional body. We can reform the Commission on Elections, but we cannot reform an incorrigible Smartmatic. So Smartmatic has to be thrown out of this country, for good and then we reform the commission on elections” ani Chong.
Nananawagan din si Chong sa mga kapwa baguhang Senatorial candidate na gayahin ang kaniyang gagawing diskarte upang maiwasan ang mga pandaraya.
Hinahamon din niya ang COMELEC na wag subukang mandaya sa darating na halalan dahil kung matuklasan aniya na siya ay dinaya, ay siya mismo ang huhuli sa mga ito.
“One month before the elections, it will show to the COMELEC and Smartmatic exactly how many votes I have in these particular precincts. ‘Pag bumaba ang boto na inilabas ng makina dun sa pinakita ko sa kanila. I take full responsibility, oorderan ko ang mga tao na, buksan niyo ang mga balota, sabihin niyo order ko yan, ako ang magpapakulong buksan niyo iyan at bilangin ang boto. In other words, huhulihin ko sila, if they attempt to cheat me” sabi ni Chong.
Bagaman nilinaw din ni Chong na hindi niya gustong magresulta sa rebolusyon ng taumbayan ang naturang halalan kung magkakaroon ng dayaan ay hindi pa rin aniya siya makakakapayag na magtuloy-tuloy ang masamang kalakaran sa bansa tuwing eleksyon.
“If it is not within the law, it’s against the law. So next will be? The next supreme law is the will of the people. The people can always re-write the constitution, the people can always re-write the law” ayon kay Atty. Chong.
Tiwala naman si Chong na kung walang mangyayaring electoral fraud, mananalo siya sa Senatorial race.
(Rosalie Coz | UNTV News)
Tags: Atty. Glenn Chong, COMELEC and Smartmatic, electoral fraud, Get it Straight with Daniel Razon
METRO MANILA, Philippines – Sa kabila ng mga isyung ibinabato sa kanya, nakuha ni incoming Senator Imee Marcos ang ika-walong pwesto sa Senatorial Race sa nakalipas na halalan matapos makakuha ng mahigit sa 15 milyong boto.
Sa programang Get It Straight with Daniel Razon, sinabi nito na kung siya ang tatanungin ay nais niyang pamunuan ang Senate Committee on Social Welfare maging ang Local Government.
Ilan sa mga unang ipapanukala nitong batas ay ang Land Reform Program kung saan ipamamahagi ng libre ang lupa sa mga magsasaka;
Ang Anti-terror Bill para sa pagpapanatili ng Peace and Order kahit na walang Martial Law; ang pag-amiyenda sa Pantawid Pamilyang Pilipino Program o 4Ps kung saan gagawin na itong Cash for Work gayun din ang pagpapababa sa halaga ng SMS o text message.
Suportado rin nito ang pagtatatag ng Department of Water para tumugon sa problema sa tubig sa bansa.
Dapat din aniyang mabigyan pa ng karagdagang atensyon ang mga solo parent dahil mahirap ang dinadaanan ng mga ito sa pagpapalaki sa mga anak.
Susuportahan din nito ang pagbuhay sa Death Penalty para sa mga kasong may kaugnayan sa iligal na droga.
Isusulong din nito ang mga programa sa agrikultura para mapababa ang presyo ng mga bilihin.
Bagama’t supporter ng Duterte administration si Marcos, hindi aniya siya basta sasabay na lamang sa agos.
Ilan sa tinututulan nito ay panukalang gawing mandatory ang ROTC.
“Hindi mo naman pwedeng pilitin pag ganun. Experience namin noong kabataang barangay, ok lang yung tree planting coastal clean-up, yung mga ganun ayos lang yun. Pero yung pagiging sundalo ibang usapan kasi.”Ani Incoming Senator Imee Marcos
Tutol din ito sa pagtataas ng buwis sa tobacco lalo’t karamihan ng taniman nito sa bansa ay nasa kanilang rehiyon sa Ilocos.
“Dati kasi lahat ng sin taxes sabay-sabay. Pag may dagdag sa sigarilyo may dagdag din sa alak, may dagdag din sa sugal. Lahat ng sin taxes ang tawag. Pero ngayon bakit yung tobacco 2, 3 beses na pinagpipilitang itaas yung iba hindi tinataas.” Ayon kay Incoming Senator Imee Marcos.
Hindi narin prayoridad ni Marcos ang pagbuhay sa Nuclear Power Plant sa bataan na ipinatayo ng kanyang ama na si dating Pangulong Ferdinand Marcos.
Mayroon naman aniyang mas ligtas na alternatibong mapagkukunan ng enerhiya gaya ng wind mill na itinayo nila sa Ilocos.
“Well ok sana kung nandyan. Pero wala ng laman eh hindi na sulit.” Ani Marcos.
Nais din nitong palawigin ang mga termino ng mga Barangay official at isabay na lamang din ang halalan ng Barangay Officials sa 2022.
Plano rin ni Marcos na magkaroon ng reporma sa Sangguniang Kabataan.
Suportado rin niya ang pagtatatag ng departamento na tututok sa pangangailangan ng mga Overseas Filipino Worker.
(Rey Pelayo | UNTV News)
Tags: Agrikultura at Social Welfare, Get it Straight with Daniel Razon, Imee Marcos
SENATE, Philippines – Pabor ang ilang Senador sa pinahayag ni Pangulong Rodrigo Duterte na palitan na ang Smartmatic bilang service provider ng automated elections. Ito ay sa gitna na rin ng isyu ng dayaan sa eleksyon.
Ayon kay Senate Committee on Electoral Reforms Chairman Aquilino “Koko” Pimentel III, tulad ng Pangulo, ito rin ang kaniyang iniisip. Ngunit ang tangi lamang aniyang magagawa nila ay magrekomenda sa Commission on Elections.
Matagal na ring isinusulong ni Senator Pimentel ang Hybrid elections. Ang panukala na ito ay bunsod na rin sa isinagawang imbestigasyon noon ng komite sa umano’y dayaan na nangyari noong 2010 Elections gamit ang Smartmatic Election System.
Ayon naman kay Liberal Party President Senator Francis Pangilinan, ituloy na ang reporma sa halalan kasabay ang pagpapanagot sa mga isyu tulad ng mga sumusunod:
(Nel Maribojoc | UNTV News)
Tags: COMELEC, COMELEC and Smartmatic, Smartmatic
Tokyo, Japan – Nais ni Pangulong Rodrigo Duterte na i-dispose na ng Comission on Elections (COMELEC) ang mga makina ng smartmatic na nagdulot ng maraming aberya sa katatapos lang na halalan
Ayon sa Pangulo, maghanap na lang ng bago at ligtas sa daya. Ginawa ng Chief Executive ang pahayag sa kaniyang pakikipagpulong sa mga miyembro ng Filipino Community sa Japan na ginanap sa Imperial Palace Hotel sa Tokyo.
“I would like to advise COMELEC now hindi ko na lang hintayin dispose of that smartmatic and look for a new one that is free of fraud. So nasabi ko ‘yan. Kindly i am now asking you as a co-equal body, it’s just promoting turmoil please do not use it. I was intending to give it to you sa SONA pero mas tigas pa ito sa SONA:” ani Pangulong Rodrigo Duterte.
Matatandaan na maraming SD cards at Vote Counting Machines ang nagkaproblema noong araw ng Eleksyon.
Sa June 4 ay nakatakda ang pagdinig ng Joint Congressional Oversight Committee on Automated Election System kung saan bubusisiin ang mga aberyang nangyari sa 2019 Mid-term Elections.
Samantala, sa unang pagkakataon ay ipinahayag sa publiko ni Pangulong Duterte na itinadhana na maging First Lady ang kaniyang partner na si Honeylet Avancena
“No guarantees kung ano titulo mo, but it’s really a destiny na maging First Lady ka pero kung mayroon gusto sumunod, ok lang naman,” ani Pangulong Rodrigo Duterte.
(Jun Soriao | Untv News)
