Hindi mailarawan ang katuwaan ng mga senador nang masungkit ng Senate Defenders ang kauna-unang kampiyonato sa UNTV Cup kontra Malacañang PSC Kamao.
Humanga naman ang ilang senador at maging si Special Assistant to the President Secretary Bong Go sa kakaibang konsepto ng pagtulong sa kapwa na ikinakampanya ng liga ng mga public servants.
Nagpapasalamat din si Go sa UNTV dahil sa napakalaking na tulong na naibahagi nito sa kanila lalong-lalo na sa mga napiling beneficiary.
Labis namang ipinagmalaki ang naging tagumpay, hindi lamang ng mga taga-suporta ng Senate Defenders, kundi maging ang buong Senado.
Kahapon, inisponsor sa plenaryo ni Senate Minority Leader Franklin Drilon ang resolusyon upang kilalanin ang pagkapanalo ng Senate Defenders sa UNTV Cup noong Lunes.
Lahat ng senador ay naging co-sponsor ng resolusyon at agad naman itong inaprubahan ng plenaryo.
( Nel Maribojoc / UNTV Correspondent )
Nagpaalam na sa liga ang two time champion Judiciary Magis matapos talunin ng defending champion Senate Defenders sa kanilang dikdikang sagupaan kahapon sa Meralco Gymnasium sa Pasig City sa score na 64 – 63.
Bagaman maituturing na non-bearing na sa judiciary ang kanilang game kahapon, ipinamalas pa rin nito ang dedikasyon na maipanalo ang game.
Last 2 minutes, abante ang Judiciary ng tatlong puntos, 63-60. Ngunit naipasok ni Harly ang 3 point shot kaya naitabla sa 63 points ang score.
Binigyan naman ng technical foul ang bench ng Magis na maswerteng naibuslo ni James Mangaran na nagbigay ng 1 point advantage sa Senate, 1 minute and 38 second na lang nalalabi.
Pinilit na maghabol ng Judiciary ngunit sumablay na ang kanilang mga tira hanggang sa maubos ang oras.
Best players of the game sina Rey Malaga na may 11 points at 5 rebounds at si Harly na may 13 points. Sa kauna-unahang pagkakataon, si Harly ang nakapagtala ng tatlong sunod na Best Player of the Game in a Season sa UNTV Cup. Nag-ambag naman si Jeffrey Sanders ng 10 points at 14 rebounds.
Dahil sa panalo, nanatiling nasa ika-apat na pwesto ang Defenders na ngayoy may 6-3 win loss record at aabante na sa quarter finals sa Enero.
Winalis lahat ng PNP Responders ang kanilang kalaban sa second round eliminations ng UNTV Cup Season 7.
Dahil dito, umakyat pa sa ikalawang pwesto ang PNP mula sa ikatlong pwesto matapos talunin ang Malacañang-PCS Kamao kahapon sa score na 81-73.
Best Players of the Game sina Ollan “the snipper” Omiping na may 25 points at si Ricardo Cabrera Jr. na may 12 points.
Dahil sa panalo, lumaki ang tsansya ng PNP na makuha ang isa sa dalawang automatic slots para sa semi-finals. Didipende ito sa resulta ng bakbakan ng Malacañang at AFP sa ika-6 ng Enero.
Kung mananalo ang Malacañang, magkakaroon ng triple tie sa unang pwesto ang AFP, Malacañang at PNP.
Sakaling mangyari ito, i-aapply ang quotient system at win over the other rule.
( Bernard Dadis / UNTV Correspondent )
Tags: Judiciary Magis, Senate Defenders, UNTV Cup
Bago mag-break ang sesyon ng Kongreso kahapon, pormal na kinilala ng Senado ang pagkapanalo ng Senate Defenders sa UNTV Cup base sa ipinasang resolusyon noong March 13.
Lahat ng players at staff ng basketball team ay binati ng mga senador sa pangunguna ni Senate President Aquilino Pimentel III.
Masayang-masaya rin maging ang mga benepisyaryo ng Senate Defenders dahil sa pagkakapanalo ng grupo.
Ayon kay Pangarap Foundation Inc. Executive Director Leah Lanzuela, malaki ang maitutulong ng 4 million pesos na grand prize para sa tatlong foundation ang maghahati-hati rito.
Sa hiwalay na programa sa Senado, tinanggap naman nina UNTV vice presidents Gerry Panghulan at Atty. Ruth Soriano ang certificate of appreciation ng Senado maging ang kopya ng aprubadong resolusyon at buong journal.
Ang ibinigay na kopya na journal ng Senado sa UNTV ay naglalarawan na naging bahagi na ng hindi mabuburang kasaysayan sa lehislatura ng Senado ang tungkol sa UNTV Cup.
Nakapaloob dito ang tungkol sa liga ng mga public servants na konsepto ni Kuya Daniel Razon na ang pangunahing layunin ay makatulong sa kapwa.
Binigyang pagkilala rin dito ang pangunahing tagapagtaguyod ng liga, ang Members Church of God International sa pangunguna ni Brother Eli Soriano.
( Nel Maribojoc / UNTV Correspondent )
Tags: plenaryo, Senate Defenders, UNTV Cup
Itutuloy na ng House Committee on Justice ngayong araw ang botohan sa nilalaman ng articles of impeachment laban kay Chief Justice Ma. Lourdes Sereno.
Una na itong ipinagpagpaliban noong isang linggo dahil hindi pa magkasundo ang mga myembro ng kumite kung anu-ano ang mga grounds na kanilang ilalagay.
Ayon kay Committee Chairman Rey Umali, mula sa pitong grounds na ngayon ay kasama sa articles of impeachment ay pipili pa rin sila ng may mabibigat na ebidensyang mayroon sila.
Nanindigan naman si Umali na hindi nakikialam si Pangulong Rodrigo Duterte sa impeachment proceedings laban sa punong mahistrado. Dagdag pa nito, ni minsan ay hindi siya kinausap ng pangulo hinggil dito.
Kapag nakakuha ng mayorya ng boto ang articles of impeachment, may 10 araw ang kumite para dadalhin na ito sa plenaryo.
Subalit una nang sinabi ni House Majority Floor Leader Rudy Fariñas na hihintayin muna nila ang magiging desisyon ng Korte Suprema sa quo warranto petition na isinampa laban kay CJ Sereno.
Base sa rules, kung maisasama sa agenda ang artices of impeachment sa plenaryo sa pagbabalik ng sesyon sa ika-14 ng Mayo, may hanggang Oktubre ang plenaryo para pagbotohan ito.
1/3 o 98 na boto ang kailangan para tuluyang ma-impeach ng Kamara si CJ Sereno.
( Grace Casin / UNTV Correspondent )
Tags: articles of impeachment, CJ Sereno, plenaryo
