METRO MANILA – Pagbabago sa ilang health and safety protocols para sa returning Overseas Filipino Workers ang ipinahayag sa Service on the Dot ni Mr. Hans Leo Cacdac, Administrator ng Overseas Workers Welfare Administration.

Pangunahin sa mga bagong protocols ay ang pagpaparehistro ng mga returning OFWs sa electronic form na matatagpuan sa mga online portals ng Philippine Red Cross at sa OFW Assistance Information System.

Samantalang ang swab PCR-testing ay hindi na isasagawa sa airport, kundi ang OFWs ay idederetso na ng OWWA sa sponsored hotel-quarantine facility.

Kasunod nito’y magsasagawa na ang Philippine Coast Guard ng swab testing sa mga OFWs on the 5th day at maaaring lumabas ang PCR test results nila sa ika-6 o ika-7 araw matapos mai-proseso ng Red Cross.

Lahat ng mga nasabing protocols ay libre kabilang na ang OWWA chartered buses na maghahatid sa kanila sa PITX kung silay taga-Luzon, samantalang OWWA chartered flights naman ang nakahandang mode of transportation para sa mga taga-Visayas at Mindanao.

Ang lahat ng mga inilahad na mga bagong proseso ay naaayon sa Resolution no. 96 na inisyu ng IATF noong ika-26 ng Enero.

(April Jan Bustarga | La Verdad Correspondent)