Ilang kalsada ang isasara sa Metro Manila ngayon araw kaugnay ng isasagawang shake drill.
Pinapayuhan ang mga motorista na asahan na ang mabigat na daloy ng trapiko at iwasang dumaan sa mga apektadong lugar.
Ayon sa Manila Police District sarado mula alas nueve ng umaga hanggang alas dose ng tanghali ang MH del Pilar Street, Mabini Street, at Roxas Boulevard Service Road mula Pedro Gil hanggang San Andres
Sa lahat ng mga dadaan sa mga apektadong lugar ay maaring sundin ang sumusunod na traffic rerouting scheme:
Lahat ng dadaan sa MH Del Pilar na magmumula sa TM Kalaw, kumaliwa sa Pedro Gil, kanan sa Adriatico, kanan papuntang Pres. Quirino patungo sa destinasyon
Sa mga dadaan naman sa Mabini na magmumula sa FB Harrison kumanan sa Pres. Quirino, kaliwa sa Taft Ave. patungo sa destinasyon
At lahat naman ng dadaan sa Roxas Blvd. Service Road na magmumula sa TM Kalaw, kumaliwa sa Pedro Gil, kanan sa Adriatico, kanan sa Pres. Quirino papunta sa inyong destinasyon
Samantala, sarado rin simula alas sais ng gabi ang ilang kalsada sa Pasig city kabilang ang both lanes ng Exchange Roads at Jade drive Northbound ng San Miguel Avenue hanggang sa J. Vargas papuntang EL Pueblo Pearl drive mula Amethyst hanggang sa Exchange Road at ang Eastbound ng Julia Vargas Ave. mula sa San Miguel Ave. papuntang Meralco Avenue.
Nasakote ng mga tauhan ng Manila Police District (MPD) ang tatlong lalaking ito na suspek sa magkasunod na pandurukot at pangho-holdap sa dalawang estudyante sa Espanya Boulevard sa Sampaloc, Maynila kahapon.
Kinilala ang mga suspek na sina Alvin Ramos, 23 anyos; Mark Wilson Casampol, 28 anyos at Alfred Mendoza, 37 anyos.
Nakita naman sa CCTV ang pagsunod ng dalawang suspek sa isa pang estudyanteng biktima na menor de edad, habang naghihintay ng masasakyan sa kanto ng P. Noval Street.
Nang pasakay na ang biktima ay sinabayan at inipit ito ng mga suspek at doon na umano dinukot ang cellphone ng estudyante.
Ilang sandali pa ay makikitang tila hinahanap na ng biktima ang kaniyang cellphone habang patay malisya naman ang mga suspek.
Matapos ang mga pangyayari ay agad humingi ng tulong ang mga biktima na nakatawag ng pansin sa mga rumorondang pulis.
Parehong cellphone ang nakuha sa mga estudyante bagaman hindi na narecover pa dahil tangay ng isa sa mga nakatakas na suspek.
Ayon pa kay Police Inspector Alombro, talamak ang robbery at holdap sa lugar kaya naman pinaiigting nila ang police visibility at pagroronda ng mga pulis sa lugar.
Itinanggi ng mga suspek ang panghoholdap at paggamit ng patalim bagaman inamin ng mga ito na dinudukutan lang ang kanilang mga biktima.
Nasa kustodiya na MPD ang mga suspek na mahaharap sa kasong robbery.
Patuloy pang tinutugis ng mga otoridad ang iba pang suspek at ang posibleng grupong kinabibilangan ng mga ito.
( Asher Cadapan Jr. / UNTV Correspondent )
METRO MANILA, Philippines – Makikita tuwing Miyerkules at Biyernes ang mobile library ng mga pulis na gumagala sa kahabaan ng Roxas Boulevard. Iniipon ang mga batang kalye, hindi upang hulihin at dalhin sa DSWD kundi para turuan ng mabuting asal, mga aralin at maging ng personal hygiene.
Kabilang pa sa itinuturo ng mga pulis ay ang pagkakaroon ng takot sa Diyos, pagmamahal sa bayan, pagsunod sa batas at interes sa edukasyon gamit ang mga librong donasyon sa Manila Police District. Mayroon din silang video at ilang visual aids upang higit na maging interesado ang mga bata sa aralin. Laking pasalamat naman ng magulang ng ilang bata sa ginagawa ng mga pulis para matuto ng tamang asal ang kanilang mga anak.
Ayon sa opisyal na nag-umpisa ng mobile library, na si District Mobile Force Battalion Chief PSupt. Rex Arvin Malimban, kauumpisa pa lamang nila noong ika-24 ng Oktubre at nais nya sanang maging bahagi na ng programa ng PNP ang pagtuturo sa mga batang kalye.
Aniya, layon nito na hubugin ang disiplina ng mga kabataan upang hindi maging sakit ng lipunan.
“Nag-ugat po ito don sa mga issue ng mga kabataan na nagba-viral, umaakyat sa jeep para mang-snatch. ‘Pag nakukuha natin ang mga kabataan, majority are minors so siyempre isinu-surrender natin yan sa DSWD.,,Ibabalik sa pamilya nila o sa barangay nila, so, paulit-ulit lang ang process. Nag-isip kami ng paraan kung paano kami makaka-interact sa kanila,” ani Chief PSupt. Malimban.
Pabor naman ang pamunuan ng pnp na gawin sa buong bansa ang pagtuturo ng mga pulis.
“That’s one good practice para makatulong sa mga batang nasa streets lang at wala silang kakayahan o their parents na papuntahin sa mga school. At least para makatulong man lang tayo sa mga kabataan, kung pwede natin magawa ‘yan sa Mindanao ay gagawin natin,“ pahayag ni PNP Chief Director General Oscar Albayalde.
Ayon sa mga pulis na nagtuturo, maraming pangarap din ang mga bata lansangan. Ang kailangan lang ay ang tamang gabay at tulong ng mga nakatatanda upang hindi maligaw ng landas at maging problema ng lipunan.
Tags: Manila Police District, mobile library, PNP, police, Roxas boulevard
Itinakda na sa September 21 ang third quarter nationwide simultaneous earthquake drill ng National Disaster Risk Reduction and Management Council. Kasabay ito ng paggunita sa ika-45 anibersaryo ng deklarasyon ng martial law ni dating Pangulong Ferdinand Marcos at ng planong malawakang kilos-protesta kontra anti-drug war at human rights issues laban sa administrasyong Duterte.
Una nang binatikos ang NDRRMC ng mga militanteng grupo dahil sa umano’y pananadyang isabay ang shake drill sa planong demonstrasyon. Ngunit ayon kay NDRRMC spokesperson Mina Marasigan, ito ang napagkasunduang petsa ng mga lokal na pamahalaan. Binigyang-diin din nito na walang kulay pulitika ang pagtatakda ng shake drill.
Samantala, hindi naman magpapatinag dito ang mga grupong nais magpahayag ng kanilang pagtutol sa ilang umiiral na polisiya ng pamahalaan.
(Rosalie Coz / UNTV Correspondent)
Tags: NDRRMC, September 21, shake drill
