Kumpiyansa si Philippine National Police Chief PDG. Ronald Dela Rosa na ang Special Action Force pa rin ang pinakamahusay na magbantay sa New Bilibid Prison sa kabila ng nangyaring gulo kahapon na kinasangkutan ng ilang high profile inmates.

Naniniwala si Dela Rosa na walang naging pagkukulang o pagkakamali ang SAF sa kanilang trabaho.

Sinabi pa ng PNP Chief na kung talagang nagdodroga ang mga naturang inmate bago nangyari ang gulo ay posibleng matagal nang naipasok ng mga ito ang kontrabando.

Sa ngayon ay sinimulan na ng Criminal Investigation and Detection Group ang pagsisiyasat sa insidente at hawak na rin nito ang closed circuit television footages upang rebyuhin at i-validate.

Dalawa ang version na lumalabas sa nangyari sa NBP, una at ang umano’y pot session kayat nagkaroon nang riot at pangalawa ay ang bigla na lamang umanong pagsalakay sa grupo ni Jaybee Sebastian ng mga kapwa inmate habang nanonood ang mga ito nang tv sa mess hall.

(Lea Ylagan / UNTV Correspondent)

Tags: pagbabantay sa NBP, PNP, SAF, walang naging pagkukulang