Alas singko tres ng hapon kahapon nang pagbabarilin ng riding in tandem si Sapa-Sapa, Tawi-Tawi Vice Mayor Alrasid Mohammad Ali sa Governor Alvarez Street, Barangay Zone 3, Zamboanga City. Naisugod pa ang biktima sa Zamboanga Doctors Hospital ngunit idineklara na itong dead on arrival.
Sa imbestigasyon ng mga otoridad, galing sa isang meeting ang bise alkalde kasama ang kaniyang asawa, isang anak at isang police escort. Pauwi na ang mga ito sakay ng kanilang sasakyan ngunit nang tumigil ang mga ito sa isang intersection ay saka binaril ang alcalde.
Tatlong bala ang tumama sa dibdib ng biktima na dahilan umano nang agaran nitong pagkasawi. Narecover ng mga otoridad ang apat na basyo ng pinaniniwalaang kalibre quarentay singko na baril sa crime scene. Ligtas naman ang pamilya at iba pang kasama sa sasakyan ng vice mayor.
Dagdag pa ng PNP na marami umanong threat natatanggap ang opisyal.
Ayon sa Zamboanga City Police Office, wala rin silang impormasyon na involve sa katiwalian tulad ng droga ang biktima. Inaasahang tatakbo ito sa pagka-alkalde sa darating na 2019 midterm election.
Samantala, tumanggi naman na humarap at magbigay ng pahayag ang pamilya ng biktima.
Ito na ang pangalawang beses na may binaril na lokal na opisyal sa lungsod ngayong buwan. Noong ika-7 ng Hulyo ay patay rin sa pamamaril ang isang bagong halal na konsehal sa lungsod.
( Dante Amento / UNTV Correspondent )
Tags: patay, Vice Mayor Alrasid Mohammad Ali, Zamboanga city
ZAMBOANGA CITY – Arestado ang isang Abu Sayyaf Explosive Expert sa isinagawang law enforcement operation ng Philippine National Police (PNP) at Armed Forces of the Philippines (AFP) sa Sitio Caragasan, Brgy. Maasin, Zamboanga City nitong Martes (November 23) ng umaga.
Kinilala ang suspek na si Kalmi Mustala na pawang Sulu-based member ng ASG.
Si Mustala ay may standing warrant of arrest matapos na magmay-ari ng ilegal na pampasabog, double frustrated murder at double attempted murder na inisyu ng Sulu Regional Trial Court noong Hunyo 19, 2021.
Nasa kustodiya na ngayon ng Zamboanga City Police Office Headquarters ang naturang suspek bago iturn-over sa Jolo Police Station.
Samantala, nagsasagawa naman ngayon ng imbestigasyon ang mga otoridad upang malaman ang lawak ng pagkakasangkot ni Mustala sa mga aktibidad ng nasabing grupo.
(Renee Lovedorial | La Verdad Correspondent)
Tags: Explosive Expert, Zamboanga city
Nalalapit na ang pagbubukas ng P120 million mega isolation facility sa Zamboanga City ayon kay Zamboanga City Mayor Maria Isabelle Climaco-Salazar.
Matatagpuan ang pasilidad sa Zamboanga Economic Zone area ng Sitio San Ramon, Barangay Talisayan, Zamboanga.
Naglalaman ng 320-bed capacity ang isoation center na makakatulong tugunan ang kakulangan ng mga
kama sa mga ospital bunsod ng patuloy na pagtaas ng kaso ng COvid-19
Equipped din ang bawat kwarto ng Individual air-conditioning, comfort room at mga gamit para rito.
Mayroon din itong quarters para sa mga health front-liners, logistics room, at health care section, generator set at 8,000-liter capacity water tanker.
(Kyle Nowel Ballad | La Verdad Correspondent)
ZAMBOANGA, Philippines – Naaresto sa isinagawang manhunt operation ng Zamboanga City Police si Ashraf Kayzar Ikbala, 34-taong gulang, residente ng Barangay Tetuan, Zamboanga City nitong weekend. Nakuha sa kaniya ang pitong sachet ng pinaniniwalaang shabu na tinatayang nagkakahalaga ng ₱156,400, pera at dalawang cellphone.
Si Ikbala ay anak ni dating PNP General Sukarno Ikbala na isa sa mga tatakbo sa pagka-alkalde sa siyudad sa 2019 elections.
Hinuli ito ng mga otoridad sa bisa ng warrant of arrest na inilabas ni Judge Catherine Fabian ng RTC branch 16, 9th Judicial Region, Zamboanga City sa kasong paglabag sa Comprehensive Dangerous Drugs Act of 2002 o RA 9165 section 5 at 11.
Dati nang nahuli si Ikbala sa isang buy-bust operation subalit nakalaya ito matapos makapagpiyansa.
Ani PSSupt. Thomas Joseph Martir, ang director ng Zamboanga City Police, “mayroon din siyang dating kaso according sa nalaman ko because dati yata siyang nakalabas or dati rin yata siyang nahuli sa shabu rin.”
Sa ngayon ay nakakulong na ang suspek sa Culianan Police Station.
(Dante Amento/ UNTV News)
Tags: Ashraf Kayzar Ikbala, Barangay Tetuan, Culianan Police Station, iligal na droga, PNP General Sukarno Ikbala, PSSupt. Thomas Joseph Martir, Zamboanga city
