Sasakyan hinabol ng 20,000 bubuyog sa loob ng dalawang araw

by Radyo La Verdad | May 27, 2016 (Friday) | 2678

20,000 bubuyog ang humabol sa sasakyan ng isang babae sa United Kingdom sa loob ng dalawang araw.

Ayon kay Carol Howarth, 65-anyos, nagsimula siyang habulin ng libu-libong bubuyog noong linggo.

Ipinarada umano ni Howark ang kanyang sasakyan sa isang town center sa Haverfordwest, sa Pembrokeshire, Wales para mag-shopping.

Subalit ng pagbalik nito ng kanyang kotse, namangha ito dahil napapalibutan ng mga bubuyog ang kanyang sasakyan.

Agad na dumating ang rescue squad at national park ranger para hulihin ang mga bubuyog.

Subalit sinundan pa rin siya ng iba pang bubuyog pagbalik nito sa kanyang bahay kaya muli nitong tinawag ang beekeepers.

Dito nila napag-alaman na posibleng na-trap ang queen bee sa loob ng sasakyan kaya ito sinusundan ng mga bubuyog.

(UNTV RADIO)