Sumuko na kay Philippine National Police Chief PDG Ronald Bato Dela Rosa si Edgar Matobato kasunod ng paglalabas ng warrant of arrest laban sa kanya ng Davao City Municipal Trial Court bunsod ng kabiguan nitong dumalo sa hearing para sa kinakahap na kaso.

Sinamahan ni Matobato ni Sen. Antonio Trillanes IV na siyang tumayong kanyang custodian mula nang marelease sa Senate custody.

Sinabi naman ni Matobato na handa na siya anuman ang mangyari sa kanya ngayon.

Pagdating sa Crame, agad itong isinailalim sa booking process tulad nang pagkuha ng mugshot, finger print at medical examination.

Sinabi pa ng heneral na mananatili sa Kampo Crame si Matobato hanggang weekend at sa custodial center ito matutulog.

Tiniyak naman ni PNP Chief Dela Rosa na poprotektahan nila ito.

Sa Lunes naman ani Dela Rosa ay kailangan na itong ihatid ng mga tauhan ng CIDG sa korte sa Davao na naglabas nang arrest warrant bilang bahagi ng proseso.

(Lea Ylagan / UNTV Correspondent)

Tags: PNP Chief Ronald Bato Dela Rosa, Seguridad ni Edgar Matobato