Mas hinigpitan na ng Zamboanga City Police katuwang ang Armed Forces of the Philippines, Philippine Coast Guard ang ipinapatupad nitong seguridad kaugnay sa nalalapit na APEC Leaders Meeting sa susunod na linggo.
Ito ay upang maiwasan ang banta sa libu-libong dadalo ng gagawing pagtitipon.
Partikular na pinapaigting ng mga otoridad ang pagbabantay sa key areas sa lungsod tulad ng mga terminal, paliparan at pantalan.
Ayon kay Zamboanga City Police Office Director, Senior Superintendent Angelito Casimiro ito ay bilang pag-alinsunod na rin sa direktiba mula sa PNP Central Office na magkaroon ng ibayong pagbabantay sa mga nabanggit na lugar.
Aniya, maaring gawing pinaka-entry at exit point ang Zamboanga ng mga grupong na ibig maghasik ng karahasan sa luzon kasabay ng pinakamalaking pagtitipon ng mga matataas na lider ng mundo dito sa bansa.
Dagdag pa ni Casimiro na kabilang ang nasabing hakbang sa inorganisang security plan sa inaasahang APEC Summit.
Maaaring panggalingan ng mga teroristang grupo tulad ng Abu Sayyaf ang Basilan at Sulu na malapit lamang sa lungsod.
Ilang beses na ring ginawa ito ng Zamboanga PNP, tulad na lamang nang bumisita si US President Barack Obama sa bansa noong nakaraang taon.
Hiningi naman ng mga otoridad ang koordinasyon ng publiko upang mapigilan ang di magandang binabalak ng mga masasamang loob lalo nat nakasalalay dito ang karangalan ng bansa.(Dante Amento/UNTV Correspondent)
Tags: airport, APEC Summit, pantalan, terminal, Zamboanga city
METRO MANILA – Bibiyahe papuntang Estados Unidos sa susunod na Linggo si Pangulong Ferdinand Marcos Junior.
Ito ay upang dumalo sa Asia-Pacific Economic Cooperation (APEC) Summit sa San Francisco, California.
Ayon kay Foreign Affairs Undersecretary Charles Jose, malaking bagay para sa Pilipinas ang pagdalo sa APEC dahil sa trade partnership.
Pangunahing isusulong ng pangulo sa APEC leaders summit ang ukol sa enerhiya, modernisasyon ng health care system at digitalization.
Pagkatapos nito, ay tutungo ang pangulo sa Los Angeles California at sa Honolulu Hawaii para sa working visit.
Bibisita rin si PBBM sa U.S. Indo-Pacific command sa Hawaii.
Tags: APEC Summit, PBBM, US
METRO MANILA – Naghahanda na ang mga airport sa buong bansa kaugnay sa nalalapit na long holiday.
Ayon sa Civil Aviation Authority of the Philippines (CAAP), inaasahan na ang pagdagsa ng mga pasahero sa mga paliparan ngayong nalalapit na ang mahabang bakasyon.
Sa isang pahayag sinabi ng CAAP, na paiigitingin nila ang seguridad na ipatutupad sa mga paliparan, at mananatiling naka high-alert kasunod ng ilang bomb joke at threats sa mga nakalipas na Linggo.
Nakipag-ugnayan na rin ang sila sa mga airline company para sa deployment ng karagdagan manpower upang ma-accomodate ang dagsa ng mga pasahero.
Nakahanda na rin anila ang malasakit help desks at bukas rin ang mga hotline para sa anomang concern ng mga pasahero.
Muli namang pinaalalahanan ng CAAP ang mga pasahero na agahan ang pagpunta sa mga airport bago ang kanilang flight upang maiwasan ang anomang aberya.
Tags: airport, CAAP, long holiday
METRO MANILA – Kinumpirma ng pamunuan ng Parañaque Integrated Terminal Exchange (PITX) na mayroon nang mga byahe ng bus sa terminal ang fully booked na ilang araw bago mag December 25.
Ayon kay Jason Salvador, and Head ng Corporate Affairs ng PITX, karamihan sa mga ito ay ang mga byaheng papunta ng Bicol region.
Muling pinayuhan ng PITX ang mga pasahero na magpa-book ng ticket ng mas maaga upang tiyak na makakasakay ng bus pagdating ng terminal.
Ayon naman sa DOTr, nakapag-isyu na ng nasa 700 special permit ang Land Transportation Franchising and Regulatory Board (LTFRB) para madagdagan ang mga bus na bibiyahe ngayong holiday season.
Nauna nang sinabi ng DOTr na nasa 5,000 mga bus ang inaasahang bibiyahe sa PITX ngayong dagsa ang mga pasahero.
Sa pagtaya ng PITX, posible pang umabot sa 175,000 passengers ang dadagsa sa terminal bago ang December 25.
(JP Nunez | UNTV News)
Tags: DOTr, holiday season, PITX, terminal
