Ilan sa mga personalidad ay maagang dumating sa 3rd floor ng Comission on Elections (Comelec) para sa mga maghahain ng kanilang certificate of candidacy (COC) na tatakbo sa pagkasenador.
Unang dumating si dating Senate President Aquilino Koko Pimentel na dumating ng 7:57 ng umaga, sunod ang musician na si Freddie Aguilar.
Ayon kay Senator Koko, nagdesisyon siya na maagang magfile dahil sa susunod na linggo ay kasal na niya sa kaniyang partner na si Kathyrna Yu.
Ang pangatlong dumating ay ang dating mayor ng Pangasinan na si Abner Afuang. Matatandaan na si Afuang ang nagbuhos ng tubig kay Dr. Haiden Kho sa pagdinig noon ng Kamara.
Namumuroblema si Afuang dahil ang kaniyang nafill-up na form ay luma.
( Nel Maribojoc / UNTV Correspondent )
METRO MANILA – Inurong ng Commission on Elections (COMELEC) ang petsa ng paghahain ng Certificates of Candidacy (COC) para sa mga tatakbo sa Barangay at Sangguniang Kabataan Elections (BSKE).
Mula July 3 – July 7, itinakda ng Comelec sa August 28 – September 2 ang paghahain ng kandidatura para sa mga tatakbo sa BSKE.
Kasunod ito ng kahilingan ng Senado dahil kapos na sa panahon para sa preparasyon ang Local Government Units (LGU).
Ayon sa Comelec, makatutulong din ito sa kanila para resolbahin muna ang election-related cases. Ang BSKE ay idadaos sa October 31.
METRO MANILA – Naniniwala si Albay 2nd District Representative Joey Salceda na posibleng tumakbo si Davao City Mayor Sara Duterte-Carpio bilang pangulo sa ilalim ng Lakas-Christian Muslim Democrats.
“Ayaw niya nga may gulo pa kasi sa Comelec ang PDP, kaya obviously hindi siya dun tatakbo” ani Albay 2nd District Representative Joey Salceda.
Naging basehan ni Salceda ay ang kaniyang pakikipagusap mismo kay Mayor Sara ilang oras bago ito mag-withdraw ng kandidatura sa Davao City.
Ang tanging malinaw sa kaniya, tatakbo bilang pangulo ang alkalde sa 2022 elections.
Ayon pa kay Salceda na malapit na kaibigan ng presidential daughter, noon pa man nais na ng alkade na tumakbo bilang pangulo,
Ngunit may naging hadlang kaya hindi natuloy ang paghahain ng kaniyang Certificate of Candidacy (COC).
“She wanted, that shows unyielding towards that purpose, there were hurdles put on her way so she wanted to run on her own term so may mga conditionality so whatsoever so ngayon wala na yun I dont think that it seems it were her terms that’s why she did not file on the 1st day” ani Albay 2nd District Representative Joey Salceda.
Tumanggi nang idetalye pa ng mambabatas ang umano’y naging hadlang noon sa pagtakbo ng alkalde sa presidential race.
Pinabulaanan rin ni Salceda na ginagaya ni mayor sara ang kaniyang ama na si pangulong duterte noong 2016 na naituring na “last minute candidate”.
Ayon kay Salceda, abangan na lamang ang anunsyo ng alkalde ukol sa kaniyang political plans bago sumapit ang November 15 na deadline ng substitution ng kakandidato sa halalan.
Mahigpit namang babantayan ng PDP-Laban Cusi wing ang susunod na desisyon ni Mayor Sara.
Ngunit anuman aniya ang magiging desisyon nito, ay tiyak na makakaapekto ito sa kasalukuyang political landscape.
(Nel Maribojoc | UNTV News)
Tags: coc, COMELEC, Mayor Sara Duterte-Carpio
METRO MANILA – Simula na ngayong araw (October 1) ang paghahain ng Certificate of Candidacy (COC) ng mga tatakbo sa halalan sa susunod na taon
Kung dati ay isinasagawa ang COC filing sa central office ng Commission on Elections (Comelec) sa Maynila, ngayon ay inilipat ito sa 1 tent area sa Sofitel Hotel sa Pasay City.
Dito gagawin ang filing ng COC ng mga kakandidato sa pagka-pangulo, bise presidente, mga tatakbong senador pati na ang mga partylist.
Pagpasok sa venue, kailangang magpresinta ng negative result ng RT PCR o Antigen Test at health declaration form.
Nakasuot din dapat ng mask at face shield.
Kapag wala pang antigen test, may itinalagang area upang makapagpa-test ang mga ito
Kapag nagpositibo ay ilalagay sa isolation area at makipag-ugnayan ang Comelec sa LGU o sa Health Department.
Kapag negative naman ay pwede agad papasukin sa filing area para isumite ang kanilang COC na duly notarized, at may documentary stamp na.
Tatagal ang filing ng COC mula alas-8 ng umaga hanggang alas-5 ng hapon.
Tags: coc
