METRO MANILA – Handang segundahan ng isang mambabatas sa Senado ang panukala sa kamara na mas mataas na umento sa sahod.
Kasunod ito ng pagkonsidera sa kamara ng hanggang P350 na minimum wage increase para sa mga manggagawa sa pribadong sektor.
Ayon kay Senator Jinggoy Estrada, Chairman ng Senate Committee on Labor, Employment and Human Resources Development, kanyang ia-adopt ang panukalang batas sa kamara kung mas mataas sa P100 ang panukalang dagdag sahod.
Kamakailan lang, inaprubahan ng Senado ang panukalang batas na layong taasan ng P100 ang daily minimum wage sa bansa.
Tags: Umento sa sahod
METRO MANILA – May ipatutupad na P1,500 na umento sa minimum na pasahod sa mga kasambahay sa Metro Manila bago matapos ang taon ayon sa Department of Labor And Employment (DOLE).
Ayon kay Labor Secretary Silvestre Bello III, aprubado na ng Regional Wage Board ang P5,000 na minimum na sahod ng mga kasambahay. Hinihintay na lamang aniya ang pormal na umpisa ng implementasyon nito.
Muli ring nagpaalala ang Kalihim sa mga employer na dapat kumpleto ang benepisyo ng kanilang mga kasambahay gaya ng SSS, Philhealth at Pagibig.
“Iyong regional tripartite wage board here in Metro Manila submitted a wage adjustment of I think 1,500 for Metro Manila so what originally was 3,500 for our kasambahay in Metro Manila it is now P5,000” ani DOLE Silvestre Bello III.
(Aiko Miguel | UNTV News)
Tags: DOLE, kasambahay, Umento sa sahod
Tatlong taon na nang hindi nakatanggap ang Regional Tripartite Wages and Productivity Board Region 9 ng petisyon sa wage hike o umento sa sahod ng mga manggagawa.
Simula ito noong ipatupad ang karagdagang 13.00 pesos wage increase alinsunod sa wage order no. RIX-18 noong 2013 at gayun din ang minimimum wage of kasambahays base naman sa R.A 10361 o mas kilalang the kasambahay law na epektibo noong February 2013.
Sa isinagawang Wage consultation sa Zamboanga City na dinaluhan ng ibat-ibang sektor partikular ng mga grupo ng pribadong manggagawa at employers. Muling hiniling ng mga manggagawa ang karagdagang umento sa sahod nang hindi bababa sa 20 pesos habang karagdagang 500 pesos naman ang nais ng mga kasambahay mula sa kasalukuyang 2000 pesos na buwanang sahod.
Sa kasalukuyan, nakakatanggap nang hindi lalagpas sa 280 pesos ngunit hindi naman bababa sa 230 pesos bilang daily minimum wage rates ang mga manggagawa sa region 9.
Mas mataas ang ang makukuhang sahod ng mga nasa non-agricultural industry o sector tulad ng private hospital, educational institutions at mababa sa mga agricultural sector.
Hindi naman tumutol ang mga employers’ representative sa hiling na umento ngunit ipinapaubaya nila sa regional tripartite wages and productivity board ang pagpapasya kung kailangan bang pagbigyan ang kahilingan ng mga manggagawa.
Ayon naman sa board magkakaroon sila ng isang buwang pag-aaral bago maglabas ng disisyon.
Ito ay upang magkaroon ng magandang resulta dahil hindi naman aniya agad maibigay ang hiling ng mga labor groups kung hindi magkaroon ng balanseng pag-aaral kung paano ito makaapekto sa panig ng mga employers.
Kabilang na rito ang posibleng pagtatanggal ng mga empleyado kung sakaling magkakaroon ng panibagong pagtaas sa sahod.
Ngunit ayon naman sa mga labor groups na kung sakaling hindi sila mapagbibigyan sana ay magkaroon sila ng ibang benepisyo tulad na lamang ng food, communication at trasportation allowances.
(Dante Amento / UNTV Correspondent)
Tags: mga pribadong manggagawa, Umento sa sahod, Zamboanga Peninsula
