Naghain na ng Certificate of Candidacy si Senator Lito Lapid para sa pagka-alkalde ng Angeles City, Pampanga.

Nagtungo sa Comelec si Senator Lapid kasama ang makakatambal nito sa pagka-vice mayor na si Willie Rivera at ilang konsehal.

Kasama rin ng senador ang anak niyang si Mark Lapid na tatakbo naman bilang senador sa ilalim ng partidong liberal.

Kumpyansa si Lapid na mananalo siya bilang alkalde ng Angeles kahit makakalaban niya ang incumbent mayor ng lungsod na si Ed Pamintuan.

Nag-file na rin ng COC para kay incumbent 2nd District Representative Gloria Macapagal Arroyo na re-electionist sa 2016, ang kanyang anak na si Mikey Arroyo

Naka-hospital arrest sa Veterans Memorial Medical Center ang dating pangulo dahil sa kaso kaugnay ng umano’y anomalya sa pondo ng PCSO na dinidinig sa Sandiganbayan. ( Joshua Antonio / UNTV News)

Tags: Representative Gloria Macapagal Arroyo, Senator Lito Lapid