Ipinahayag ni Senator Bongbong Marcos sa isang press conference kahapon sa Quezon City na nagka-usap sila ni President-Elect Rodrigo Duterte sa Davao City noong Byernes ng gabi.

Iba’t ibang isyu aniya ang kanilang napag-usapan kabilang na ang posibleng pagbibigay ng sa kanya ng incoming president ng posisyon sa gabinete nito.

Dagdag pa ng senador na pinag-usapan rin nila ang ukol sa paglilibing sa kaniyang ama na si Former President Ferdinand Marcos sa libingan ng mga bayani.

Posible aniyang matuloy na sa Setyembre, ang buwan ng kamatayan ng kanyang ama.

Tumanggi namang ang senador na magbigay ng iba pang detalye kaugnay ng naturang isyu.

(UNTV RADIO)

Tags: Senator Bongbong Marcos