Naki-usap si Sen. Bong Revilla sa Sandiganbayan 1st Division na payagan siyang makadalo sa debut ng kanyang anak sa sabado.
Sa mosyon ni Revilla sinabi nitong bilang magulang ni Ma. Franzel Laudette Baustista, gusto niyang dumalo sa napakahalagang yugto sa buhay ng kanyang anak.
Ayon sa senador, gaganapin ang debut sa Bellevue Hotel sa Alabang sa sabado mula as siete hanggang alas diez ng gabi.
Nagpasalamat naman ang senador sa mga nakaraang pabor na ibinibigay ng Sandiganbayan sa kanyang mga hiling na medical check-up sa labas ng PNP Custodial Center, at sinabi nitong kung hindi naman kalabisan ay sana ay payagan siyang muli ng korte.
Kasaluyang nakaditine si Sen. Revilla sa PNP Custodial Center dahil sa kasong plunder kaugnay ng pork barrel scam. ( Joyce Balancio / UNTV News )
Tags: Sen. Bong Revilla
Tinutulan ng kampo ng Prosekusyon ang hiling ni Senator Bong Revilla sa Sandiganbayan 1st division na makadalo sa mga huling sesyon ng Senado mula June 6 hanggang June 8.
Ayon sa Prosekusyon, bilang isang detainee na nahaharap sa kasong plunder, hindi maaaring magampanan ni Revilla ang tungkulin nito bilang isang senador.
Ibinasura na rin ng korte ang bail petition ni Revilla matapos itong makakita ng sapat ng basehan upang kasuhan ang senador.
Kasalukuyang nakadetine ang senador sa PNP Custodial Center dahil sa mga kaso kaugnay ng PDAF Scam.
Tags: mga huling sesyon ng Senado, Prosekusyon, Sen. Bong Revilla
Muling mauurong ang paglilitis sa kasong graft at plunder ni Sen.Bong Revilla sa Sandiganbayan 1st division.
Ito ay matapos ikansela ng korte ang nakatakda sanang pre-trial o paghahanda sa paglilitis sa kanyang kaso.
Hindi pa kasi tapos sa pre-marking ng mga ebidensya ng prosekusyon at depensa na gagamitin para sa paglilitis.
Binigyan pa ng korte ng isang additional setting ang pre-marking para sa kasong plunder at pitong settings sa graft.
Kasabay nito binigyan din ng pahanon ng Sandiganbayan na makapaghanap ng abogado ang co-accused at dating Chief of Staff ni Revilla na si Atty. Richard Cambe matapos itong mawalan ng abogado.
Ayon kay Cambe, hirap na siya sa pagbabayad ng abogado dahil naubos na aniya ang kanyang pera sa tinagal ng kaso sa korte.
Sa June 30 naman itinakda ng korte ang pre-trial ng graft at plunder.
(Joyce Balancio / UNTV Correspondent)
Tags: kasong graft at plunder, Sandiganbayan, Sen. Bong Revilla
Hindi natuloy ang pre-trial ngayong araw ni Sen.Bong Revilla sa Sandiganbayan 1st division para sa kasong plunder kaugnay ng PDAF Scam.
Kailangan pa kasi resolbahin ng korte ang mosyon ng kampo ng senador kaugnay sa pagpapasubpoena sa ilang ahensya para sa ilang dokumentong kailangan niya para sa kanyang depensa.
Kabilang sa mga hinihingi ng senador ang forfeiture case records ni Janet Napoles sa Manila Regional Trial Court, travel records ni PDAF Witness Benhur Luy, Commission on Audit report, at stenographic notes mula sa Senate.
Binigyan ng Korte ng tig-limang araw ang kampo ng prosekusyon at depensa para magsumite ng kanilang kumentaryo at reply sa mga hinihinging dokumento ng senador.
Itinakda naman ang dagdag na araw para sa pagmamarka ng ebidenya sa Feb.12, 19 at 26 habang ang pre-trial naman ay sa March 7.
Tags: ngayong araw, Pre-trial, Sen. Bong Revilla
