Sen. Trillanes, hindi itinuloy ang planong paglabas ng Senado kahapon

by Radyo La Verdad | September 14, 2018 (Friday) | 2085

Maaga kahapon nang inanunsyo ni Senator Antonio Trillanes IV na tatangkain niyang lumabas ng Senado. Ito ay upang masubukan aniya kung aarestuhin siya ng mga militar at pulis na patuloy na nakaabang sa labas ng Senado.

Makalipas ang ilang oras, umatras ang senador. Kwento niya, umalis ang kaniyang sasakyan na hindi siya sakay upang magpa-gas, dito aniya niya nakumpirma na pwede siyang maaaresto kahit walang warrant of arrest.

Ipinakita ng kaniyang tanggapan ang mga kuha na pictures ng mga sumusunod sa kaniyang sasakyan na mga nakamotor at mga tao na tila nagmamanman.

Nakatanggap rin aniya siya ng warning mula sa AFP arresting units na handa siyang arestuhin anomang oras.

Kaya nagdesisyon siya na manatili na lamang sa Senado at paghandaan ang legal battle niya sa Makati Regional Trial Court.

 

( Nel Maribojoc / UNTV Correspondent )

Tags: , ,