Hindi nababahala si Senator Antonio Trillanes IV sa inilabas na warrant of arrest ng Makati Regional Trial Court 142 kaugnay sa libel case na isinampa ni dating Makati Mayor Jun jun Binay.
Ayon kay Trillanes,pinagaaralan na ng kaniyang abogado kung ano ang mga nararapat na hakbang ukol sa kaso.
Ang kasong libelo na isinampa ni Mayor Binay ay bunsod sa paratang ni Senator Trillanes na nasuhulan ng mga Binay ang Court of Appeals upang itigil ang suspensyon ng alkalde kaugnay sa umanoy alegasyon ng korupsyon sa pagpapatayo ng Makati City Hall 2 Parking Building.
Sa kasalukuyan,nasa Amerika si Trillanes para dumalo sa isang international forum.
(Meryll Lopez / UNTV Radio Reporter)
Tags: arrest warrant, Makati Regional Trial Court, Senador Trillanes
Kinumpirma ni Rappler CEO and Executive Editor Maria Ressa na may inilabas nang warrant of arrest laban sa kanya kaugnay ng kinakaharap na kasong tax evasion.
Sa pagdating nito kagabi sa Ninoy Aquino International Airport (NAIA), sinabi nitong na-verity na ng kanyang abogado ang naturang impormasyon.
Handa naman aniya siyang harapin ang lahat ng ito sa korte.
Tags: arrest warrant, Maria Ressa, Rappler
Hindi na maghahain ng motion for consideration ang Duterte administration sa desisyon ng Makati Regional Trial Court Branch 148 na huwag maglabas ng warrant of arrest laban kay Senador Antonio Trillanes.
Bagkus, inihahanda na ng Office of the Solicitor General ang isusumite nitong petition sa Court of Appeals (CA).
Matatandaang denied ni Makati Judge Andres Soriano ang motion ng Department of Justice (DOJ) na ipaaresto si Trillanes kaugnay ng kasong kudeta na kinaharap nito dahil sa nangyaring 2003 Oakwood mutiny.
Una nang dinismiss ng korte ang kaso matapos mabigyan ng amnestiya ang senador sa panahon ng administrasyong Aquino.
Ayon kay Presidential Spokesperson at Chief Presidential Legal Counsel Salvador Panelo, nakatuon ang petisyong isusumite ng SolGen sa CA na denied motion for arrest at pagsalig umano ng naturang korte sa secondary evidence sa usapin kung nakapagsumite ba ng nararapat na application sa kaniyang amnesty si Trillanes o hindi.
Tinawag na unfair o hindi patas ni Department of Justice Secretary Menardo Guevarra ang akusasyon ng kampo ni Senator Antonio Trillanes IV na umano’y pag-pressure ng pamahalaan kay Makati Regional Trial Court Branch 148 Judge Andres Soriano. Ito ang may hawak ng kasong kudeta ng mamababatas.
Sa isang statement sinabi ni Guevarra na walang katotohanan ang alegasyon na ito ni Magdalo Party-list Representative Gary Alejano.
Bagkus aniya ay ang kampo nito ang maliwanag na nagnanais na impluwensyahan sa magiging ng hukom at guluhin ang maayos na sistema ng hustisya.
Ayon pa sa kalihim, hindi inuugali ng kanilang kagawaran na makipagsagutan sa mga ito sa labas ng korte o sa media, ngunit sumosobra anila ang mga ito sa kanilang akusasyon.
Noong Sabado ay sinabi ni Rep. Alejano sa isang news forum sa Quezon City na kumpyansa ito na magbibigay ng tamang desisyon si Judge Soriano kaugnay ng kaso Sen. Trillanes.
Ito ay sa kabila ng nakuha umano nilang impormasyon na matindi ang pag-pressure dito ng pamahalaan. Tumanggi naman itong i-detalye kung anong uri ng pressure ang tinutukoy nito.
Si Judge Soriano ay nakatakdang maglabas ng kanyang desisyon sa hiling ng Deparment of Justice (DOJ) na maglabas ng arrest warrant laban sa senador.
Kaugnay ito ng kasong kudeta dahil sa Oakwood mutiny noong panahon ni dating Pangulong Gloria Macapagal Arroyo.
Naungkat ang kaso ni Trillanes matapos na ipawalang bisa ni Pangulong Rodrigo Duterte ang amnesty na ibinigay sa senador ni former President Ninoy Aquino III dahil wala umano itong application form.
Una nang ipinaaresto ng Makati RTC Branch 150 si Trillanes kaugnay ng kanyang kasong rebelyon ngunit agad din itong nakapagpyansa.
( Mai Bermudez / UNTV Correspondent )
